انتہا پسنداسرائیلیوں کا فلیگ مارچ،جھڑپیں،33فلسطینی زخمی
مارچ کے شرکا مشرقی بیت المقدس سے گزرے ،احتجاج پر 29فلسطینی گرفتار
تل ابیب (رائٹرز)ہزاروں انتہاپسند اسرائیلیوں نے گزشتہ روز مقبوضہ مشرقی بیت المقدس کی سڑکوں پر فلیگ مارچ کیا، ادھر مقبوضہ مشرقی بیت المقدس میں پولیس کیساتھ جھڑپوں میں 33 فلسطینی زخمی ہو گئے ۔احتجاج پر 29فلسطینی گرفتارکرلیے گئے ۔ فلسطینی ہلال احمر ایمبولنس سروس کے مطابق خدشات کے برعکس وسیع پیمانے پر تشدد نہیں ہوا۔ نیوز ایجنسی کے مطابق فلیگ مارچ کے شرکا نے اسرائیلی پرچم اٹھا رکھے تھے ، پولیس کی کوشش تھی کہ شرکا مقبوضہ شہرکے دمشق گیٹ کی طرف نہ جائیں، اس موقع پر پولیس نے مشرقی مقبوضہ بیت المقدس کی گلیوں کے باہر باڑیں کھڑی کر رکھی تھیں۔
روزنامہ دنیا ایپ انسٹال کریں
