پاکستان کبھی اتحادی نہیں رہا مگر مضبوط شراکت دار :امریکا

پاکستان کبھی اتحادی نہیں رہا مگر مضبوط شراکت دار :امریکا

واشنگٹن (مانیٹرنگ ڈیسک ،آئی این پی) امریکی قومی سلامتی کے ترجمان جان کربی نے کہا ہے کہ پاکستان کبھی امریکا کا اتحادی نہیں رہا،نہ ہی دونوں ملکوں کے درمیان اتحاد کا کوئی معاہدہ ہوا۔

امریکی نیشنل سکیو رٹی کے ترجمان جان کربی نے واشنگٹن میں بائیڈن انتظامیہ کی خارجہ پالیسی پر پریس کانفرنس کرتے ہوئے کہا کہ دہشت گردی کیخلاف جنگ میں پاکستان اورامریکا شراکت دار رہے ہیں۔انہوں نے کہا ہم تسلیم کرتے ہیں کہ پاکستانی عوام آج بھی دہشت گردوں کے نشانے پر ہیں۔افغان سرزمین سے پاکستان میں دہشت گردی ہوتی ہے ،پاکستانی عوام اب بھی دہشت گردی سے متاثر ہے ، ہم اپنے دوراقتدار کے دوران پاکستان کیساتھ مل کرمشترکہ چیلنجزسے نمٹنے کیلئے پرعزم رہے ، یہ پالیسی تبدیل نہیں ہوئی اور نہ یہ تبدیل ہوگی۔بائیڈن انتظامیہ کے مشرق وسطیٰ میں امن قائم کرنے میں ناکامی کے سوال کا جواب دیتے ہوئے جان کربی نے کہا کہ اگر اسرائیل اور حماس میں معاہدہ ہوتا ہے تو یہ وہ کام ہوگا، جس کی کوشش بائیڈن انتظامیہ نے کی۔

 

روزنامہ دنیا ایپ انسٹال کریں