مداحوں کیلئے گووندا نے شادی کو ایک سال خفیہ رکھا
ممبئی(شوبز ڈیسک)گووندا اور ان کی اہلیہ سنیتا کی شادی کو 36 برس سے زیادہ ہوچکے ہیں اور بالی ووڈ کی فلم انڈسٹری میں ان دونوں کی شادی شدہ زندگی خاصی مستحکم اور خوشگوار ہے ۔
گووندا نے جب فلمی کیریئر شروع کیا تو ابتدا ہی میں وہ سنیتا کی محبت میں گرفتار ہوگئے اور پھر والدین کی مرضی سے گووندا نے سنیتا سے شادی کی۔تاہم گووندا نے ایک بار انکشاف کیا تھا کہ انھوں نے اس خدشے کے باعث اپنی شادی شدہ زندگی کو تقریباً ایک برس تک چھپائے رکھا کہ کہیں ان کے پرستار ان سے دور نہ ہوجائیں، بات اس وقت سامنے آئی جب ان کی بیٹی ٹینا کی ولادت ہوئی۔
اس حوالے سے گووندا کا کہنا ہے کہ میرا کیریئر میری گڑیا کی طرح ہے ، ڈر لگتا ہے کہ کوئی اسے چھین نہ لے ۔ اداکارہ سیمی گریوال کے پروگرام میں گفتگو کے دوران گووندا اور ان کی اہلیہ نے یہ بھی بتایا کہ کس طرح ان کی شادی ہوئی تھی۔
روزنامہ دنیا ایپ انسٹال کریں
