پاکستانی شوبز انڈسٹری میں ہر کوئی اپنی کامیابی کا سوچتا:علی ظفر
لاہور(شوبزڈیسک)مشہور گلوکار، اداکار اور پروڈیوسر علی ظفرنے کہاہے کہ پاکستان کی شوبز انڈسٹری میں یکجہتی نہیں ہے اور ہر کوئی صرف اپنی کامیابی کے بارے میں سوچتا ہے۔
ایک پوڈکاسٹ میں علی ظفر نے بالی ووڈ کی پیشہ ورانہ سوچ اور اجتماعی نقطہ نظر کی تعریف کی اور اسے پاکستانی انڈسٹری کے لیے ایک نمونہ قرار دیتے ہوئے کہاکہ ہمیں بالی ووڈ سے ان کا اجتماعی سوچ کا نظام سیکھنا چاہیے ۔ یہاں ہر شخص اپنی ذاتی سوچ کے تحت کام کر رہا ہے، جو کہ انڈسٹری کی ترقی میں رکاوٹ بن سکتی ہے۔ کامیاب انڈسٹریز ہمیشہ اپنی غلطیوں سے سیکھتی ہیں اور ٹیم ورک کے ذریعے آگے بڑھتی ہیں۔ پاکستانی شوبز انڈسٹری نہ صرف بھارت بلکہ ایران، چین اور اٹلی سمیت کسی بھی ملک سے سیکھ سکتی ہے لیکن ہمارے ہاں سیکھنے کا کوئی رجحان نہیں نہ ہی کوئی اپنی غلطی کو تسلیم کرتا ہے۔ انہوں پاکستانی معاشرتی رویے کو تبدیل کرنے کی خواہش کا اظہار کرتے ہوئے کہا، ‘ہمارے ہاں عام ذہنیت بہت رجعت پسند ہے، اور میں چاہتا ہوں کہ یہ سوچ بدلے۔
