سعودی عرب :ریڈ سی فلم فیسٹیول کا آغاز ، کرینہ کپور کے جلوے
جدہ (شوبزڈیسک )سعودی عرب کے شہر جدہ میں ریڈ سی فلم فیسٹیول کے چوتھے ایڈیشن کا آغاز ہو گیا ہے جس میں بالی ووڈ اور ہالی ووڈ ستاروں نے شرکت کرکے شاندار فیسٹیول کو چار چاند لگا دیئے ۔۔
فیسٹیول کی پہلی شب ریڈ کارپٹ پر متعدد مشہور شخصیات نے جلوے بکھیرے جن میں کرینہ اپنے بولڈ فیشن کے ساتھ نمایاں رہیں اور ان کی تصاویر بھارتی سوشل میڈیا پیجز کی جانب سے پوسٹ کی گئیں جنہیں مداحوں اور سوشل میڈیا صارفین نے بے حد پسند کیا، افتتاحی تقریب میں بالی ووڈ کے سپر سٹارز عامر خان بھی موجود تھے ۔کرینہ نے اس موقع پر جامنی رنگ کا خوبصورت بولڈ لباس پہنا جو جامنی پھولوں سے سجا تھا، میڈیا سے بات کرتے ہوئے کرینہ نے کہا کہ ‘میں پچھلے سال یہاں آئی تھی، جو بالکل حیرت انگیز تھا۔ لیکن اس بار، یہ اور بھی بڑا لگتا ہے ، اور یہاں دنیا بھر سے مختلف قسم کی فلمیں ہیں، جو بے حد اچھی ہیں، اور میں بہت پرجوش ہوں۔ ’تقریب کے دوران عامر خان اور برطانوی اداکارہ ایملی بلنٹ کو ریڈ سی ایوارڈ سے نوازا گیا۔
