موسیقی کی دنیا کے بادشاہ راحت فتح علی خان کی آج گولڈن جوبلی
لاہور(شوبزڈیسک )دنیائے موسیقی کے نامور گلوکار راحت فتح علی خان آج اپنی 50 ویں سالگرہ منا رہے ہیں۔فیصل آباد کے موسیقار گھرانے میں 9 دسمبر 1974 کو پیدا ہونے والے راحت فتح علی خان نے موسیقی کے میدان میں پہلا قدم صرف سات سال کی عمر میں رکھا۔
اپنے چچا اور استاد قوالی کے بادشاہ نصرت فتح علی خان کے زیر سایہ، راحت فتح علی خان نے نہ صرف قوالی کو سیکھا بلکہ اسے جدید دور کے تقاضوں کے مطابق پیش کرنے کی مہارت بھی حاصل کی۔ ان کے گانے صرف موسیقی نہیں، جذبات کی وہ داستانیں ہیں جو ہر دل کو چھو لیتی ہیں، صوفیانہ کلام میں راحت فتح علی خان کی گائیکی ایک الگ ہی روحانی کیفیت پیدا کرتی ہے ۔راحت فتح علی خان کے کریڈٹ پر کئی بڑے ایوارڈز ہیں، جن میں پاکستان کا سب سے بڑا سول اعزاز 'ستارہ امتیاز' اور 2019 میں آکسفورڈ یونیورسٹی کی طرف سے اعزازی پی ایچ ڈی کی ڈگری سمیت متعدد ملکی اور غیرملکی ایوارڈز ان کی محنت اور قابلیت کی منہ بولتی تصویریں ہیں۔
