ہر شہری گھرانے کو کاروبار کیلئے 5لاکھ تک بلاسود قرض مل سکے گا
کم لاگت گھروں کی تعمیر کیلئے 20لاکھ تک سستے قرضے ، ہر گھرا نے کیلئے صحت کارڈ ، کاشتکار وں کو ہر فصل کیلئے ڈیڑھ لاکھ روپے بلاسود قرضے دیں گے ، شوکت ترین
اسلام آباد(رپورٹنگ ٹیم ،صباح نیوز)وفاقی حکومت نے بجٹ میں اعلان کیا ہے کہ ہر شہری گھرانے کو کاروبار کے لیے 5 لاکھ روپے تک بلاسود قرض دیں گے ۔ جمعہ کو قومی اسمبلی میں وزیر خزانہ نے کہاہر کاشت کار گھرانے کو ہر فصل کی کاشت کے لئے ڈیڑھ لاکھ روپے بلاسود قرض دیں گے ۔ اسی طرح ٹریکٹرز اور مشینی امداد کے لئے 2 لاکھ روپے تک بلاسود قرضہ دیا جائے گا۔انہوں نے کہا کم لاگت گھروں کی تعمیر کے لیے 20 لاکھ روپے تک سستے قرضے ، ہر گھرانے کو صحت کارڈ اور ایک فرد کو مفت تکنیکی تربیت دی جائے گی۔ گھر کی خرید یا تعمیر میں مدد کے لیے 3 لاکھ روپے سبسڈی دی جارہی ہے جس کے لیے بجٹ میں 33 ارب روپے رکھے گئے ہیں۔