نیوز الرٹ
  • بریکنگ :- جام کمال کےدورمیں بدامنی،بےروزگاری اوراداروں کی کارکردگی متاثرہوئی،متن
  • بریکنگ :- کوئٹہ:بلوچستان اسمبلی کااجلاس آج شام 4 بجے ہوگا
  • بریکنگ :- اجلاس میں وزیراعلیٰ جام کمال کیخلاف تحریک عدم اعتمادپیش کی جائےگی
  • بریکنگ :- تحریک عدم اعتمادپربی اےپی کے14 ارکان کےدستخط ہیں
Coronavirus Updates

افغانستان میں انسانی المیے سے بچنے کیلئے عالمی کوششوں کی ضرورت : آرمی چیف

افغانستان میں انسانی المیے سے بچنے کیلئے عالمی کوششوں کی ضرورت : آرمی چیف

دنیا اخبار

آرمی چیف سے اقوام متحدہ ہائی کمشنر برائے مہاجرین کی ملاقات،بحرانوں کے موقع پر بروقت اقدامات کو سراہا ، پاکستان کیساتھ تعاون کو بہتر بنانے کیلئے کردار ادا کرینگے ، گرانڈی ، افغان صورتحال پر پاکستان کے کردار کی تعریف

لاہور (نیوز ڈیسک)آرمی چیف جنرل قمر جاوید باجوہ سے گزشتہ روز اقوام متحدہ ہائی کمشنر برائے مہاجرین فیلیپو گرانڈی نے جی ایچ کیو میں ملاقات کی۔ آئی ایس پی آر کے مطابق ملاقات کے دوران باہمی دلچسپی کے امور، علاقائی سلامتی، افغانستان کی موجودہ صورتحال اور انسانی بنیادوں پر معاونت میں تعاون پر بات چیت ہوئی۔ اس موقع پر آرمی چیف نے افغانستان میں انسانی و پناہ گزینوں کے بحران کو روکنے کیلئے مربوط عالمی کوششوں کی ضرورت پر زور دیا۔ آرمی چیف نے اقوام متحدہ کی بنیادی اقدار کو فروغ دینے اور بحرانوں کے موقع پر بروقت اقدامات میں یو این ایچ سی آر کے کردار کو بھی سراہا۔ معزز مہمان نے پاکستان کی جانب سے گزشتہ چار دہائیوں سے 40 لاکھ افغان پناہ گزینوں کی میزبانی کا اعتراف کیا، انسانی بنیادوں پر امداد کی فراہمی سمیت موجودہ افغان صورتحال میں پاکستان کے کردار کی تعریف کی اور ہر سطح پر پاکستان کیساتھ تعاون کو مزید بہتر بنانے کیلئے اپنا کردار ادا کرنے کے عزم کا اظہار کیا۔

روزنامہ دنیا ایپ انسٹال کریں
Advertisement