ڈینگی کے مزید2مریض جاں بحق،لاہورمیں 204نئے کیس
ڈینگی سے صوبہ میں 2مریض جاں بحق جبکہ رواں سال پنجاب میں اموات کی تعداد 21 ہو چکی ہیں
لاہور(اپنے سٹاف رپورٹر سے ) گزشتہ 24 گھنٹوں کے دوران صوبہ بھر سے ڈینگی کے 279 مریض رپورٹ ہوئے ۔ گز شتہ روز لاہور سے ڈینگی کے 204 مریض رپورٹ ہوئے ہیں ۔راولپنڈی سے 36 جبکہ بہاولپور، قصور اور سرگودھا سے ڈینگی کے 5 ،پانچ مریض ،جہلم اور ملتان سے ڈینگی کے 3 ،تین ،بہاولنگر، لودھراں، میانوالی، مظفرگڑھ اور اوکاڑہ سے ڈینگی کے 2 دو مریض رپورٹ ہوئے ۔ رواں سال پنجاب میں اب تک ڈینگی کے 7,032 مریض سامنے آئے جبکہ لاہور سے ڈینگی کے 5,078 کیسز رپورٹ ہوئے ۔ وفات پانے والے مریضوں میں سے ایک کا لاہور جبکہ دوسرے کا تعلق ساہیوال سے تھا۔صوبہ بھر کے ہسپتالوں میں ڈینگی کے 1,809 مریض زیرعلاج ہیں۔