عمران صاحب! قوم کو تقریریں نہیں،سستا آٹا، چینی گھی چاہئے ،مریم اورنگزیب
مسلم لیگ (ن) کی ترجمان مریم اورنگزیب نے کہا ہے کہ عمران صاحب خود شیشے کے گھر میں رہ کر دوسروں پہ پتھر نہیں مارتے
اسلام آ باد (نیوز ایجنسیاں ) عمران صاحب عوام کی افلاس بے بسی بھوک بے روزگاری اور معاشی تباہی دیکھ کر اب آپ کے جھوٹوں کا جواب دینے کا بھی دل نہیں کرتا ‘‘ایمان’’ اور ریاست ِ مدینہ کی بات کرکے عمران صاحب ہر روز سرعام جھوٹ بولتے ہیں۔ وزیراعظم کے خطاب پر ردعمل میں مریم اورنگزیب نے کہا کہ عمران صاحب قوم کو آپ کی حسد سے بھری تقریروں کی نہیں، آٹا، چینی ، گھی، دوائی کی سستی قیمت چاہئے ۔ عمران صاحب قوم کو آپ کے فلسفے کی نہیں، بجلی ،گیس پٹرول کی ضرورت ہے وہ بھی سستے داموں پر ۔ حقیقت یہ ہے کہ عاصمہ جہانگیر کانفرنس میں چیف گیسٹ نواز شریف تھے آپ نہیں ،عاصمہ جہانگیر کانفرنس میں آپ کو اس لئے نہیں بلایا گیا کیونکہ آپ ووٹ چور، فاشسٹ اور کٹھ پتلی ہیں ۔