جسٹس عابد عزیز شیخ کی گاڑی کو ٹرالر کی ٹکر،اہلیہ بال بال بچ گئیں
لاہور (خبر نگار سے )لاہور ہائیکورٹ کے جسٹس عابد عزیز شیخ کی گاڑی کو حادثہ ، اہلیہ محفوظ رہیں۔تفصیلات کے مطابق مال روڈ اشارہ پر ٹرالر نے جسٹس عابد عزیز کی گاڑی کوعقب ٹکر مار دی ۔گاڑی ان کا ڈرائیور چلا رہا تھا ۔
پیچھے بیٹھے ہوئی جسٹس عابد عزیز کی اہلیہ حادثے میں بال بال بچ گئیں، حادثہ ٹرالر کی بریک فیل ہونے سے پیش آیا ، حادثے سے دیگر چار گاڑیوں کو بھی نقصان پہنچا۔پولیس کی بھاری نفری ، ایس پی سول لائنز رضا صفدر کاظمی بھی موقع پر پہنچ گئے ۔پولیس نے ڈرائیور عمران کو حراست میں لے لیا ہے ۔ پولیس کا کہنا ہے کہ واقعہ پر قانونی کارروائی عمل میں لائی جا رہی ہے ۔