پہلی ڈیجیٹل مردم و خانہ شماری یکم مارچ سے شروع
اسلام آباد (دنیا نیوز)ملکی تاریخ کی پہلی پیپر لیس ڈیجیٹل مردم و خانہ شماری یکم مارچ سے شروع ہو گی، نوٹیفکیشن جاری کر دیا گیا۔
نوٹیفکیشن کے مطابق یکم مارچ سے شروع ڈیجیٹل مردم و خانہ شماری یکم اپریل تک جاری رہے گی۔واضح رہے ملکی تاریخ میں پہلی ڈیجیٹل مردم شماری، ساتویں خانہ و مردم شماری کا آغاز ہو رہا ہے ، پہلی پیپر لیس مردم شماری میں جیوٹیگنگ شامل ہے ۔ملک بھر میں 7ویں خانہ و مردم شماری پر 34 ارب روپے لاگت آئے گی، ہر شہری پورٹل پر ڈیجیٹل مردم شماری میں از خود اپنا ڈیٹا اپ لوڈ کر سکے گا۔