نواز شریف کی واپسی سے صرف آئین شکن پریشان ہیں،مریم
لاہور(نیوز ایجنسیاں)مسلم لیگ ن کی سینئر نائب صدر و چیف آرگنائزر مریم نواز نے کہا ہے کہ نواز شریف کی واپسی سے صرف آئین شکن پریشان ہیں۔
اتوار کو مریم نواز کی زیر صدارت مسلم لیگ ن آزاد جموں و کشمیر کا مشاورتی اجلاس ہوا، مریم نواز نے ویڈیو لنک کے ذریعے لندن سے اجلاس میں شرکت کی، اجلاس میں نواز شریف کی 21اکتوبر کو وطن واپسی پر استقبال کی تیاریوں پر مشاورت کی گئی،اجلاس میں گفتگو کرتے ہوئے مریم نواز کا کہنا تھا کہ عوام کی امیدوں پر نوازشریف وطن واپس آرہے ہیں، کشمیریوں اور پاکستانیوں کے مجرم عوام کے قہر سے بچ نہیں سکتے ، نواز شریف عوام کو مہنگائی سے نجات دلانے آرہے ہیں، نواز شریف نے ہی عوام کو ہمیشہ ریلیف دیا ،اجلاس میں شرکا نے نواز شریف اور مریم نواز کے حق میں زبردست نعرے بازی کرتے ہوئے کہا کہ نواز شریف کی آمد سے پاکستانیوں اور کشمیریوں کے مفادات کا تحفظ ہوگا۔
