پاک بحریہ کے کموڈور عتیق الرحمان عابد کی ریئر ایڈمرل کے عہدے پر ترقی
کراچی(آئی این پی )پاک بحریہ کے کموڈور عتیق الرحمان عابدکو ریئر ایڈمرل کے عہدے پر ترقی دے دی گئی۔ ریئر ایڈمرل عتیق الرحمان عابد نے 1995 میں پاک بحریہ کی آپریشنز برانچ میں کمیشن حاصل کیا۔
وہ پاکستان نیول اکیڈمی کراچی، نیول وار کالج امریکہ اور رائل کالج آف ڈیفنس اسٹڈیز برطانیہ سے گریجویٹ ہیں۔ فلیگ آفیسر نے قومی اور بین الاقوامی اداروں سے مختلف پیشہ وارانہ کورسز مکمل کیے ہیں۔ انہوں نے برطانیہ سے انٹرنیشنل سیکیورٹی اینڈ اسٹریٹجک لیڈرشپ اسٹڈیزکورس، امریکہ سے نیول اسٹاف کورس، پاکستان نیوی وار کالج لاہور سے نیول اسٹاف کورس اور نیشنل ڈیفنس یونیورسٹی اسلام آباد سے نیشنل سیکیورٹی اینڈ وار کورس مکمل کیے ہیں۔ اعلیٰ خدمات کے اعتراف میں انہیں ستارہ امتیاز (ملٹری)سے نوازا گیا ہے ۔
روزنامہ دنیا ایپ انسٹال کریں
