لاہورہائیکورٹ کی ایپ پر کیسز بارے آگاہی دینے کا فیصلہ

لاہورہائیکورٹ کی ایپ پر کیسز بارے آگاہی دینے کا فیصلہ

لاہور (کورٹ رپورٹر)چیف جسٹس لاہور ہائیکورٹ جسٹس عالیہ نیلم کی منظوری کے بعد ویب سائٹ اور موبائل ایپ کے ذریعے سائلین کو ان کے کیسز سے متعلق مسلسل آگاہ رکھنے کا فیصلہ کیا گیا ہے۔

 عدالتی کارروائی کی عدالت عالیہ کی ویب سائٹ اور موبائل ایپ سے آگاہی حاصل کی جاسکے گی جس سے سائلین گھر بیٹھے اس ٹیکنالوجی کا فائدہ اٹھا کراپنے کیسز بارے اپ ڈیٹ رہیں گے ،نئے منصوبے پر عمل درآمد کا آغاز اسی ماہ سے ہوگا ، چیف جسٹس عالیہ نیلم نے نئے منصوبے کا ٹاسک ایڈیشنل رجسٹرار آئی ٹی جمال احمد کو سونپ دیا ،لاہور ہائیکورٹ پاکستان کی واحد عدالت عالیہ ہوگی جہاں اس سہولت کا آغاز ہوگا، چیف جسٹس لاہورہائیکورٹ عالیہ نیلم کے ویژن کے مطابق سائلین اور وکلا کی مشکلات کو کم کرنے کیلئے سپیشل ٹیمیں اقدامات کررہی ہیں۔ معروف قانون دان احسن بھون نے دنیا نیوز سے گفتگو کرتے ہوئے کہاچیف جسٹس عالیہ نیلم کے اقدامات قابل تعریف ہیں ۔آئی ٹی سے استفادہ کرکے ہی سائلین کو بروقت انصاف کی فراہمی یقینی بنانے کے خواب کو پایہ تکمیل تک پہنچایا جاسکے گا ، سائلین اکثر شکایات کرتے تھے کہ ان کو بار بار عدالتوں کے چکر لگوائے جاتے ہیں لیکن اب سائلین کی مشکلات بھی ختم ہوجائیں گی اور سائلین کو اپنے کیسز کی انفارمیشن کے لیے بار بار عدالتوں میں نہیں آنا پڑے گا یہ اقدام نہ صرف سائلین بلکہ وکلا کیلئے بھی فائدہ مند ہوگا اس سے متعلق ایڈووکیٹ سپریم کورٹ نصیر کمبوہ نے کہا پنجاب کی تاریخ میں پہلی خاتون چیف جسٹس کا اعزاز بھی جسٹس عالیہ نیلم کے پاس ہے اور بطور چیف جسٹس سائلین کی مشکلات کو ختم کرنے اور وکلا کی فلاح و بہبود کیلئے تاریخی اقدامات کرنے کا اعزاز بھی چیف جسٹس عالیہ نیلم کے پاس ہے ۔

روزنامہ دنیا ایپ انسٹال کریں