پی ٹی آئی مذاق رات کر رہی،نیت پر 100فیصد شک، خواجہ آصف
اسلام آباد(آئی این پی)وزیر دفاع خواجہ آصف نے کہا ہے پی ٹی آئی مذاکرات نہیں مذاق رات کر رہی،ان کی نیت پر 100 فیصد شک ہے ۔میری اوقات نہیں کہ مذاکرات ناکام یا کامیاب بناؤں۔۔۔
ایک انٹرویو میں خواجہ آصف نے کہا پی ٹی آئی والے وقت گزار رہے ہیں ان کے مقاصد کچھ اور ہیں وہ عمران خان کو باہر لانے میں سنجیدہ نہیں، مجھے ان کی نیتوں پر شک ہے ۔انہوں نے کہا بہت سے لوگوں کے ہاتھ میں گیم آگئی ہے ، مجھے ایسے ہی ٹارگٹ کررہے ہیں کہ مذاکرات ناکام ہوں، میری دعا ہے اگر دو نمبری ہو رہی ہے تو بھی مذاکرات کامیاب ہوں، ایک بھی نکتہ ایسا نہیں کہ مذاکرات کامیابی کی طرف جائیں۔خواجہ آصف کا کہنا تھا پی ٹی آئی کا مقصد کامیابی نہیں بلکہ وہ بندہ ڈھونڈ رہے ہیں جس پر ناکامی کا ملبہ ڈالا جائے ، یہ وقت ضائع کر رہے ہیں۔