پی ٹی آئی حکومت کو تحریک عدم اعتماد کے ذریعے نہیں ہٹانا چاہیے تھا:خورشید شاہ
لاہور (مانیٹرنگ ڈیسک)پاکستان پیپلزپارٹی کے رکن قومی اسمبلی خورشید شاہ نے کہا کہ پی ٹی آئی کی حکومت کو تحریک عدم اعتماد کے ذریعے نہیں ہٹانا چاہئے تھا۔
خورشید شاہ نے ایک ٹی وی پروگرام میں کہاکہ پی ٹی آئی کی حکومت کو مدت پوری کرنے دینی چاہئے تھی، ذاتی طور پر میں اس کے حق میں آج بھی نہیں ہوں، ہمیں انہیں اقتدار پورا دینا چاہئے تھا، اگر ایسا ہوتا تو آج عمران خان چار سیٹیں بھی نہیں جیت پاتا۔ان کا کہنا تھا کہ آرمی چیف کی مدت ملازمت میں توسیع حالات کی ضرورت تھی، پارلیمنٹ تکلیف دہ فیصلے بھی کرتی ہے ، یہی پارلیمنٹ کی بالادستی ہے ۔ پیپلزپارٹی رہنما نے کہا کہ وفاقی حکومت مدت پوری کرے گی یا نہیں اس کا علم نہیں، دعا کریں۔مسلم لیگ ن کے وزرا اور ایم این ایز اپنی پنجاب حکومت سے بہت پریشان ہیں، وزیراعلیٰ مریم نواز ان سے ملنے کے لئے تیار نہیں، مجھے وزرا نے بتایا کہ ہم آج تک وزیراعلیٰ سے مل نہیں سکے ۔