وزیراعظم سے سپیکر ایاز صادق کی ملاقات،مذاکرات کے تیسرے دور کی تفصیلات سے آگاہ کیا

وزیراعظم سے سپیکر ایاز صادق کی  ملاقات،مذاکرات کے تیسرے  دور کی تفصیلات سے آگاہ کیا

اسلام آباد (مانیٹرنگ ڈیسک)سپیکر قومی اسمبلی سردار ایاز صادق نے وزیراعظم شہباز شریف سے وزیراعظم ہاؤس میں ملاقات کی ۔

ذرائع کے مطابق ملاقات میں ملک کی مجموعی سیاسی صورتحال اور پارلیمانی امور پر تفصیلی تبادلہ خیال کیا گیا۔ایاز صادق نے وزیراعظم کو حکومت ،پی ٹی آئی مذاکرات کے تیسرے دور کی تفصیلات سے آگاہ کیا ، مذاکراتی عمل کو آگے بڑھانے کے لیے تجاویز بھی پیش کیں۔ ذرائع کا کہنا ہے سپیکر نے وزیراعظم سے ملاقات میں بار بار کورم ٹوٹنے کا معاملہ اٹھایا۔ ان کا کہنا تھا کورم ٹوٹنے سے پارلیمانی بزنس بھی متاثر ہو رہا ہے ۔ ذرائع کا بتانا تھا وزیر اعظم نے کورم ٹوٹنے عمل پر اظہار ناراضی کیا اور کورم ٹوٹنے کے معاملے کو خود دیکھنے کی یقین دہانی کرائی ۔ 

روزنامہ دنیا ایپ انسٹال کریں