ٹرمپ نے خطاب میں منافقت کی بجائے سچ بولا:مشاہد

ٹرمپ نے خطاب میں منافقت کی بجائے سچ بولا:مشاہد

لاہور(مانیٹرنگ ڈیسک)سابق سینیٹر مشاہد حسین نے کہا ہے کہ ڈونلڈ ٹرمپ نے اپنی تقریر میں سچ بولا، ٹرمپ نے امریکا کے سسٹم پرانگلیاں اٹھائیں۔

دنیا نیوزکے پروگرام ’’دنیا مہر بخاری کے ساتھ‘‘ میں گفتگو کرتے ہوئے انہوں نے کہا ٹرمپ نے پہلے خطاب میں منافقت کی بجائے سچی باتیں کیں، انہوں نے جرات کے ساتھ سسٹم کی خرابیوں کی نشاندہی کی۔ امریکی سسٹم کافی کرپٹ ہوگیا تھا،امریکا جیسے ملک میں آزادی رائے کوسلب کیا گیا، نومنتخب صدر پہلے 100 دنوں میں چین کا دورہ بھی کریں گے ، جوبائیڈن بڑا جعلی سا صدر تھا، نیتن یاہوجیسے بدمعاش کو ڈونلڈ ٹرمپ نے لگام ڈالی، غزہ میں جنگ بندی انکی وجہ سے ہوئی، انہوں نے تجویز دیتے کہا پاکستان کودانش مندی سے امریکا کو اپنا موقف پیش کرنا ہوگا۔مشاہد حسین کا کہنا تھا کہ ڈونلڈ ٹرمپ کا صدربننا عالمی امن کیلئے بھی بڑا اچھا ہوگا، بانی پی ٹی آئی کا نمبربھی آئے گا، ٹرمپ بھی عمران خان والے پراسس سے گزرا ہے ، نومنتخب امریکی صدر کو عمران خان سے ضرور ہمدردی ہوگی۔

روزنامہ دنیا ایپ انسٹال کریں