سندھ کی حکمراں جماعت نے عوام کو مایوسی و بدحالی کے سوا کچھ نہیں دیا:خالد مقبول
کراچی(مانیٹرنگ ڈیسک)ایم کیو ایم پاکستان کے سربراہ اور وفاقی وزیر خالد مقبول صدیقی کا کہنا ہے کہ سندھ کی حکمراں جماعت نے عوام کو مایوسی اور بدحالی کے سوا کچھ نہیں دیا۔
یہ بات انہوں نے مرکزی مسلم لیگ کے جوائنٹ سیکرٹری کی قیادت میں ملنے آنے والے وفد سے گفتگو کے دوران کہی ہے ۔ ایم کیو ایم کے اعلامیے کے مطابق ملاقات میں سیاسی صورت حال اور 18 ہویں آئینی ترمیم کے اثرات پر گفتگو کی گئی۔اس موقع پر ڈاکٹر خالد مقبول صدیقی نے 18 ہویں آئینی ترمیم کے بعد سندھ میں اختیارات کے عدم توازن پر تشویش کا اظہار کیا۔ایم کیو ایم کے چیئرمین نے کہا کہ سندھ کو اربوں روپے ملنے کے باوجود یہاں ترقی کا کوئی نشان نہیں ہے ۔
روزنامہ دنیا ایپ انسٹال کریں
