آج کا پکوان، آلوؤں کی مزیدار سلاد
آلو ایک ایسی سبزی ہے جسے کئی طرح سے پکایا جا سکتا ہے۔جس کی ہر ڈش کا ذائقہ ہی الگ ہے۔ سالن کے علاوہ آلوئوں کی سلاد بھی کافی کلوریز کی حامل ہونے کی وجہ سے صحت کی ضامن بن سکتی ہے۔
اجزاء:آلو (نیا آلوہو تو بہتر ہے )2 پاؤنڈ۔انڈے ،سخت پکے ہوئے 3عدد ۔اجمود،ایک کپ کا پانچواں حصہ ، باریک کٹا ہوا۔نمک،(حسب ذائقہ )۔پیاز ،نصف سے 1 کپ ،باریک کٹی ہوئی۔مائیونیز ، آدھا کپ ۔ سرسوں ، 2 چائے کا چمچ ۔ کالی مرچ حسب ذائقہ۔گارنش، پیپریکا ۔اجوائن،کالی مرچ، ایک چوتھائی چائے کا چمچ۔لال مرچ (حسب ذائقہ)
ترکیب :آلوئوں کو دھو کر 1 انچ کیوبس کی شکل میں کاٹ لیں۔ اب انہیں ساس پین میں رکھیں ۔ آلوئوں کو ایک انچ اوپر تک پانی بھر دیں۔ نمک شامل کرکے ڈھانپ کر ابالیں۔جب نرم ہوجائیں تو پانی نکال کر ٹھنڈا ہونے رکھ دیجئے۔ اب سخت پکے ہوئے انڈے کاٹ کر اوپر ڈال دیں۔ اجوائن ، پیاز ، مایئونیز ، سرسوں ، نمک ، کالی مرچ اور لال مرچ مکس کیجئے۔ اوپر جمود ملا کر ہلائیں۔ پیپریکا بھی چھڑک لیں ۔
