آج کا پکوان،عربی شوارمہ
اجزاء: بون لیس چکن جو لین 250 گرام، لہسن کا پیسٹ ایک چائے کا چمچ،سفید مرچ 1/2 چائے کا چمچ،سویا ساس ایک چائے کا چمچ،سفید سرکہ ایک کھانے کا چمچ،نمک 1/2چائے کا چمچ،پسی دار چینی ایک چٹکی،ایچ پی ساس ایک کھانے کا چمچ،تیل ایک کھانے کا چمچ،چلی ساس 2 کھانے کے چمچ،ڈی پی ساس ایک کھانے کا چمچ، دہی 2کھانے کے چمچ،پیاز جولین ایک عدد، جرکنز سلائس 2عدد (شوارمہ ساس کے اجزاء) پھینٹی ہوئی دہی1/2کپ،لہسن کا پیسٹ 1/2 چائے کا چمچ،نمک1/2چائے کا چمچ،سفید مرچ1/2چائے کا چمچ،لیموں کا رس ایک کھانے کا چمچ
ترکیب: شوارمہ بنانے کیلئے250گرام بون لیس چکن جولین کو ایک چائے کا چمچ لہسن کا پیسٹ،1/2چائے کا چمچ سفید مرچ،ایک چائے کا چمچ سویا ساس،ایک کھانے کا چمچ سفید سرکہ ، 1/2 چائے کا چمچ نمک،ایک چٹکی پسی دار چینی،ایک کھانے کا چمچ ایچ پی ساس،2 کھانے کے چمچ چلی ساس،ایک کھانے کا چمچ ڈی پی ساس،دو کھانے کے چمچ،دہی،ایک عدد پیاز جولین اور 2عدد جرکنز سلائس سے میری نیٹ کر لیں۔اب ایک فرائنگ پین میں دو کھانے کے چمچ تیل گرم کر کے اس میں چکن کو 10منٹ فرائی کریں ،یہاں تک کہ وہ گل جائے،پھر پیٹا بریڈ یا ہاٹ ڈوگ بن گرم کریں اور اس پر شوارمہ ساس کو پیاز جولین،سلاد پتے،پکی ہوئی چکن اور جرکنز کے ساتھ پھیلا دیں۔اس کے بعد شوارمہ کو بٹر پیپر میں لپیٹ لیں اور فوراً گرم گرم سرو کریں۔شوارمہ ساس بنانے کیلئے 1/2 کپ پھینٹی ہوئی دہی،1/2چائے کا چمچ لہسن کا پیسٹ،1/2چائے کا چمچ نمک،1/2چائے کا چمچ سفید مرچ اور ایک چمچ لیموں کا رس ایک بائول میں مکس کر لیں اور شوارمہ کے ساتھ پیش کریں۔
