نیوز الرٹ
  • بریکنگ :- مسلح افواج کایواین کے 76ویں عالمی دن پرنیک خواہشات کااظہار
  • بریکنگ :- پاک فوج امن کیلئےخدمات میں ہمیشہ پیش پیش رہی،آرمی چیف
  • بریکنگ :- ہمارےجوانوں نےہرآزمائش کی گھڑی میں قربانیاں دی ہیں،آرمی چیف
  • بریکنگ :- امن کیلئےانسانیت کی خدمت کےحوالےسےنمایاں تاریخ ہے،آرمی چیف
  • بریکنگ :- ہمارےجوانوں کی قربانیاں ہمارےغیرمتزلزل عزم کی مثال ہیں،آرمی چیف
  • بریکنگ :- عالمی امن کےفروغ کیلئےہماری قربانیاں دنیاکےسامنےہیں،آرمی چیف
Coronavirus Updates

مسائل اور ان کا حل

خصوصی ایڈیشن

تحریر : مفتی محمد زبیر


اپنے ساتھی کی معرفت سے ملنے والی پارٹی کا کام کرنا اور اس پر اجرت لیناسوال:مسئلہ یہ ہے کہ میراکام انٹرکام لگانے اورریپئرنگ کرنے کاہے اورمیراساتھی بھی یہی کام کرتاہے،میں ایک سال کیلئے جماعت میں گیاتھااورمیں اپناکام اس ساتھی کودیکر گیاتھااوریہ طے ہواتھاکہ جومیری پارٹی کاکام ہوگااس پر75فیصد اس کا اور25 فیصد میرا ہوگا۔انہوں نے اس حوالے سے فتویٰ بھی لیا تھا۔ (جس کی کاپی سوال کے ساتھ منسلک ہے)۔ اب میں دوبارہ ایک سال کیلئے جا رہا ہوں اور میں چاہتا ہوں کہ اپناکام ان کے سپرد کرکے جاؤں، پوچھنا یہ ہے کہ اگروہ انکارکردیں کہ میں نہیں کروں گا اور چونکہ ان کا فون نمبر میری تمام پارٹیوں کے پاس ہے اورمیری غیرموجودگی میں میری پارٹی ان سے رابطہ کرتی ہے اوروہ کام کرتے ہیں توکیا یہ ان کیلئے شرعی طور پر جائز ہو گا؟ جواب دیکرشکریہ کاموقع دیں۔(سائل :احسان الحق،نزد سبحانیہ مسجد)جواب:مذکورہ صورت میں آپ کے ساتھی کیلئے آپ کی پارٹی کا کام کرنا اور اس پر ان سے طے کردہ اجرت لیناشرعاًجائزہے ۔فی الدرالمختار(6؍5)وشرطھاکون الاجرۃوالمنفعۃمعلومتین لان جھالتھماتفضی الی المنازعۃ۔وفی الھندیۃ(4؍411)واماشرائط الصحۃ۔۔۔۔۔۔منھاان تکون الاجرۃ معلومۃ۔

شوہرسے ناچاقی پرمیکے بیٹھنے والی بیوی کامسئلہ 

سوال:میراسوال یہ ہے کہ ایک لڑکی ہے جوشادی شدہ ہے اس کا شوہر اس کے ساتھ صحیح سلوک نہیں کرتا، اسے گالیاں دیتا ہے اور مارتا بھی ہے، چنانچہ وہ اپنے شوہرکے اس سلوک سے تنگ آ کر اپنے گھر آگئی ہے۔ نیز وہ لڑکی 2ماہ چند دن کی حاملہ ہے اس لڑکی کے گھروالے اوررشتہ دار اسے حمل ضائع کرنے کاکہہ رہے ہیں، توکیا وہ لڑکی اسے ضائع کرسکتی ہے؟ آپ اس مسئلہ پر فتویٰ لکھ کر دیں۔ (مستفتی:عبدالصبور،پولیس ٹریننگ سینٹربلدیہ ٹاؤن کراچی)

جواب:صورت مسئولہ میں مذکورہ لڑکی کے گھروالوں اور رشتہ داروں کی بات درست نہیں، لہٰذااس لڑکی کیلئے حمل ضائع کرنا شر عاً جائز نہیں، اس سے احترازکرنا لازم ہے۔

فی ردالمحتار(3؍176)بقی ھل یباح الاسقاط بعدالحمل؟نعم یباح مالم یتحقق منہ شئی ولن یکون ذلک الابعدمائۃ وعشرین یوما۔۔۔۔۔۔۔۔وفی کراھۃ الخانیۃولااقول بالحل اذالمحرم لو کسربیض الصیدضمنہ لانہ اصل الصید فلماکان یؤاخذبالجزاء فلاأقل من ان یلحقھااثمھا اذا اسقطت بغیرعذرا ھ، قال ابن و ھبان:ومن الاعذاران ینقطع لبنھا بعد ظھورالحمل ولیس لأبی الصبی مایستأجربہ الظئرویخاف ھلاکہ۔۔۔۔قال ابن وھبان فاباحۃ الاسقاط محمولۃ علی حالۃ العذراوانھالاتأثم اثم القتل ۔

والدین کی زندگی میں وفات پانے والی بیٹی کی میراث

سوال: امیدہے خیریت سے ہونگے، پوچھنایہ تھا موضع لکھانی میں یہ ایک مسئلہ درپیش ہے کہ اگرایک بیٹی اپنے والدین کی موجودگی میں فوت ہوجاتی ہے تو کیا اسے میراث میں حصہ ملے گا۔ یہ میری دادی کا کیس ہے، میری دادی جب فوت ہوئیں تو میرے والد صاحب ایک سال کے تھے اور میری دادی جو صوبہ خان بزدار لکھانی والے کی بیٹی تھیں وہ فوت ہوگئی تھیں۔ کیا وراثت میں اب میری دادی کا جو حصہ تھا وہ میرے والدکو ملے گا یا نہیں؟ جب دادی فوت ہوئیں اس وقت ان کے والدین حیات تھے، اس حوالے سے رہنمائی فرما دیں ۔ (مستفتی:افتخار قیصرانی، اسلام آباد)

جواب:صورت مسئولہ میں چونکہ آپ کی دادی کا انتقال اپنے والدین سے پہلے ہوا ہے اس لئے آپ کی دادی شرعاً اپنے والدین کی وراثت کی حقدارنہیں، نیز آپ کے والدکو بھی اپنی والدہ کے واسطہ سے اپنے نانا نانی کی وراثت سے حصہ نہیں ملے گا۔ فی ردالمحتار(6؍758)وشروطہ ثلاثۃ:موت مورث ۔۔۔۔۔۔ووجودوارثہ عندموتہ حیا۔

مالیاتی اداروںکے ذریعے قسطوں پرگاڑی خریدنا

سوال: میراسوال یہ ہے کہ بینکوں سے قسطوں پرگاڑی خریدناجائز ہے؟ کیا یہ سود تو نہیں ہے؟کیونکہ ادھار میں وہ چیز مہنگے داموں میں فروخت کرتے ہیں؟۔ (مستفتی: سعیدمحمود،اتحادٹاؤن کراچی)

جواب: نقد میں کم قیمت پر ملنے والی گاڑی کوقسطوں میں زیادہ قیمت پر خریدنا درج ذیل شرائط کے ساتھ جائزہے:

(الف)خریدوفروخت کی مجلس میں کوئی ایک قیمت اور اس کی قسطیں اور ادائیگی کی مدت مقررکردی جائے۔ (ب)کسی قسط کی ادائیگی میں تاخیرکی وجہ سے کسی قسم کی اضافی رقم یاجرمانہ نہ لگایا جائے۔ (ج)قسطوں کی ادائیگی سے عاجز ہونے کی صورت میں کسٹمر کی سابقہ اداکردہ قسطیں ضبط نہ کی جائیں۔

اس تفصیل کے بعد آپ کے سوال کاجواب یہ ہے کہ ہماری معلومات کے مطابق نجی بینک فی الحال مستند مفتیان کرام کے زیرنگرانی شرعی اصولوں کی بنیاد پرکام کر رہا ہے لہٰذا اس کے ذریعے قسطوں پرگاڑی خریدنا شرعاً جائز ہے۔

تاہم اس کے بارے میں وقتاً فوقتاً معلوم کرتے رہنا چاہئے تاکہ اگرکسی وقت اس کے مالی معاملات میںشرعی اصولوں سے انحراف پایاجائے تواس وقت کے شرعی حکم سے آپ کو آگاہ کیا جا سکے۔

دیگر بینکوں میں جہاں کوئی شریعہ ایڈوائزری بورڈ موجود ہو اور آپ کا ان پر اعتماد بھی ہو تو ان سے ان بینکوں کے بارے میں معلوم کرکے اس کے مطابق عمل کرسکتے ہیں۔ جن بینکوں میں کوئی شریعہ ایڈوائزری بورڈ نہ ہو تو ان سے اس قسم کے معاملات کرنے کامشورہ نہیں دیا جا سکتا۔

نماز جنازہ میں درود ابراہیمی ؑ پڑھنا افضل ہے 

سوال:نماز جنازہ کی دوسری تکبیر کے بعد کونسا درود پڑھنا افضل ہے،جو نماز کی کتاب میں لکھا ہوتا ہے وہ یا نماز والا درود؟

جواب: جس درود شریف کا آپ نے ذکر کیا ہے وہ بھی پڑھنا درست ہے مگر نماز والا درود یعنی درود ابراہیمیؑ پڑھنا افضل ہے۔

 

روزنامہ دنیا ایپ انسٹال کریں
Advertisement

پاکستان بمقابلہ بھارت : زور کا جوڑ ,ٹی 20 ورلڈ کپ کا ہائی وولٹیج میچ

یوں تو ’’ٹی 20 کرکٹ‘‘ کی عالمی جنگ کا آغاز ہو چکا ہے لیکن اس جنگ کا سب سے دلچسپ اور سنسنی خیز معرکہ ہمیشہ پاکستان اور بھارت کے درمیان میچ ہوتا ہے، جسے دنیا بھر میں کرکٹ شائقین کسی بھی بین الاقوامی ایونٹ کے فائنل سے بھی زیادہ دلچسپی سے دیکھتے ہیں۔ دونوں روایتی حریف ہمسایہ ممالک کے شہری توگویا اسے کھیل نہیں بلکہ حقیقی جنگ تصور کر لیتے ہیں۔ میچ والے دن سڑکیں سنسان اور بازار ویران ہو جاتے ہیں۔ ہر کوئی ٹیلی ویژن کے سامنے بیٹھ جاتا ہے اور ایک ایک گیند پر ایسے تبصرے ہوتے ہیں جیسے شاید دونوں ایشیائی ممالک کا کرکٹ کے سوا تو کوئی کام یا مسئلہ ہے ہی نہیں۔

کھلاڑی پریشر سے آزاد ہوکر کھیلیں، وسیم اکرم،مشتاق احمد، شعیب اختر،یونس خان کا ٹیم کو مشورہ

بہترین منصوبہ بندی اور اوپننگ پارٹنرشپ ضروری ہے: وسیم اکرم،پاکستانی ٹیم کو ہار کا خوف نکال کر کھیلنا ہو گا: مشتاق احمد،کھلاڑیوں کو خود کو پر سکون رکھنا ہو گا: شعیب اختر،ہمیں بھارت کے خلاف 4 فاسٹ باؤلرز کو کھلانا چاہئے:یونس خان

ٹی 20 ورلڈکپ میں بننے والے ریکارڈز

فاتح ٹیمیں،ٹی 20 کے 2007 ء میں ہوئے پہلے عالمی میلے کو بھارت نے اپنے نام کیا۔ 2009ء کا ایونٹ پاکستان کے نام رہا۔ 2010ء میں انگلینڈ فاتح رہی، 2012ء کے ایونٹ کو جیت کر ویسٹ انڈیز اس ٹی ٹوئنٹی کا حکمران بن گیا۔ 2014ء میں سری لنکا نے بھی ٹی 20 کا عالمی کپ جیت کر اپنا کھاتا کھولا جبکہ 2016ء میں ویسٹ انڈیز نے دوسری مرتبہ اس ایونٹ کو جیت کر تاریخ رقم کی۔

ایک بھوکا لکھ پتی

واٹسن نامی لکھ پتی سوداگر ایک دن صبح کے وقت کہیں جانے کو تیار تھا ۔ نوکر ناشتے کی میز لگائے منتظر کھڑے تھے۔ ایک فقیر نے دروازے پرآکر سوال کیا۔سوداگر صاحب! میں تین دن سے بھوکا ہوں، کچھ کھانا ہو تو خدا کی راہ میں دے دو تاکہ میں بھی پیٹ کے دورخ کو بھر لوں۔

ہنر کی دولت

کسی جزیرے میں ایک امیرشخص رہتا تھا، جسے شکار کا بہت شوق تھا۔ایک دن شکار کو جاتے ہوئے اس کی نظر ایک غریب ٹوکریاں بنانے والے کی زمین پر پڑی۔ اس زمین میں نرسل(ایک پودہ)اُگے ہوئے تھے۔اس کھیت کی ناہمواری اور نرسلوں میں سے گزرنے کی تکلیف امیر کو بہت ناگوار گزرتی تھی۔ایک دن امیر نے غریب کو بلا کر کہا ’’تم یہ زمین ہمیں دے دو‘‘۔ غریب نے جواب دیا ’’ حضور! میرا تو گزارہ اسی پر ہے، میں بیچنا نہیں چاہتا‘‘۔ اس پر امیر ناراض ہو گیا، اس نے غریب کو خوب پٹوایا پھرتمام نرسلوں کو جلوا دیا،جس پر غریب روتا ہوا بادشاہ کے پاس چلا گیا۔

کچھ دے دیں گے۔۔

ایک مسافر نے کسی شہر کی سرائے میں اتر کر سرائے والے سے کہا کوئی نائی بلوا دو تو میں خط بنوا لوں۔سرائے والے نے ایک نائی بلوا لیا۔نائی نے حجامت بنانے سے پہلے مسافر سے پوچھا،حضور مزدوری کیا ملے گی؟۔