سیاحت اور حصول علم
آپؒ نے زندگی کا زیادہ حصہ علمی و روحانی غرض سے سیاحت میں گزارا ۔اکا براولیا ء کرام کی زیارت کی اور ان سے فیض پایا ۔
آپ نے حصول علم کے لئے عراق ، شام نشا پور ، آذربائجان ، سرخس، طوسی ، سمر قند ، شامر ، بسطام، فرغانہ، ماور النہرء ، قہنان ،طبرستان، خوز ستان ، بخارا، کرمان اہوواز، دمشق ، فارس ، بغداد، جبل لکام، وادی بیت الجن، کوفہ ، بصرہ ، ترکستان ، متیہر، املا، حجازاور شمالی ہند وغیرہ کے سفر کیے۔ آپ کی علمی تربیت کا اندازہ اس بات سے بخوبی لگایا جا سکتا ہے کہ صرف خراسان میں آپ نے تین سو مشائخ سے ملاقات کی ۔اس طرح آپ اکابر علم و عرفان کی صحبت سے علم و روحانیت کے اس درجہ کمال کو پہنچے کہ اپنے زمانے کے امام اور آنے والے وقت کے لئے مخدوم بن گئے ۔ چنانچہ حضرت عبدالحیی الحسنی ؒ آپ کو امام کے لفظ سے یاد کرتے ہیں۔