نیوز الرٹ
  • بریکنگ :- قتل کیس،مجرم شاہ رخ جتوئی سینٹرل جیل سےلانڈھی جیل منتقل
  • بریکنگ :- شاہ رخ جتوئی کوچندروزقبل نجی اسپتال سےسینٹرل جیل منتقل کیاگیاتھا،ذرائع
Coronavirus Updates

شادی سیزن : گھر میں فیشل کریں

تحریر : مہوش اکرام


کم خرچ بالا نشین ، بیوٹی پارلر جانے کی ضرورت نہیں ، کچن میں موجود اشیاء سے خوبصورت بنیں

شادی سیزن آن ہے،آپ خود دلہن بننے والی ہیں یا آپ کے کسی عزیزکی شادی قریب ہے۔تقریبات کے دوران اگر پرفیکٹ تصویریں بنواناچاہتی ہیں تو اپنے چہرے کو نظر انداز نہ کریں۔ بہترین کپڑوں کے ساتھ اگر آپ کا چہرہ تروتازہ نہیں لگے گا تو آپ کو وہ تعریفیں کبھی نہیں ملیں گی جن کی آپ خواہش رکھتی ہیں۔ایک مکمل فیشل نہ صرف آپ کے چہرے کے تناؤ کو ختم کرے گا بلکہ قدرتی چمک بھی واپس لائے گا۔ اس کیلئے آپ کو بیوٹی پارلر جانے کی ضرورت نہیں،آپ اپنے کچن میں دستیاب اشیاء استعمال کریں۔ڈو اِٹ یور سیلف، فیشل کاطریقہ یہ ہے۔

مرحلہ نمبر1:جلدکی حفاظت اور قدرتی کلینزنگ کیلئے ہمیں چاہئے نیم، شہد اور ہلدی۔ 

یہ تینوں اشیاء مہاسوں اور بریک آؤٹ سے لڑنے میں مدد دیتی ہیں۔ ان کے استعمال سے ناصرف آپ کو چمکدار جلد ملے گی بلکہ یہ جلد کو نرمی اور نمی بھی بخشیں گی۔ 

ترکیب: نیم کے پتے 5 عدد، شہدایک چمچ، ہلدی 2چٹکی۔

ہدایات: پیسٹ بنانے کیلئے ان کو 5:1:2 کے تناسب سے مکس کریں۔تازہ پتے نہ ہوں تو نیم پاؤڈر کے 4 چمچ استعمال کر سکتی ہیں۔ تھوڑے سے گرم پانی میں مکسچر بنائیں اور اسے  10 منٹ تک چہرے پر لگائیں۔ سادہ پانی سے دھوتے ہوئے چہرے پر اچھی طرح مساج کریں۔ کلینزنگ کے دوران  ہاتھوں کو پانی لگا کر پیسٹ کو چہرے پر ملیں اور اسفنج سے صاف کر لیں۔

مرحلہ نمبر2:پپیتا اور دلیے کاسکرب

پپیتا، جیسا کہ آپ جانتی ہیں، اینٹی آکسیڈنٹس سے بھرپور ہوتا ہے اور وٹامن اے کا ایک بہت بڑا ذریعہ ہے۔ کچے پپیتے کا پیسٹ داغ دھبوں کوختم کرتا ہے۔

اسکرب کے اجزاء: پپیتا، براؤن شوگر، دلیا

ہدایات: پپیتے کا ایک ٹکڑا پیس لیں۔ اس میں ایک چائے کا چمچ براؤن شوگر اور دلیا شامل کریں۔ سرکلر موشن میں اپنے چہرے کو مساج کریں۔ اس مرحلے میں ناک کے اردگرد اور ٹھوڈی پر زیادہ مساج کریں لیکن جلد پر زیادہ دبائو نہ ڈالیں۔ 10 منٹ بعد چہرہ پانی سے دھولیں۔

مرحلہ نمبر3: صندل پاؤڈر اور عرق گلاب کا ماسک

صندل کی لکڑی کو روایتی طور پر جلد کی دیکھ بھال کیلئے استعمال کیا جاتا ہے کیونکہ اس میں ٹھنڈک کی خصوصیات ہوتی ہیں جبکہ عرق گلاب کے ساتھ مل کر یہ چمکدار جلد فراہم کرتا ہے۔ مجموعی طور پر اگر آپ کی جلد روکھی اور بے رونق ہو تو یہ ایک شاندار فیس ماسک ہے۔

ہدایات:ایک پیالے میں دو کھانے کے چمچ صندل پاؤڈر ڈالیں اور اس میں چند قطرے عرق گلاب ڈال کر پیسٹ تیار کریں، چہرے پر لگائیں۔ جب ماسک خشک ہو جائے تو چہرے کو ٹھنڈے پانی سے دھو لیں۔

ضروری نوٹ: تقریب میں جانے سے کم از کم  24گھنٹے پہلے یہ فیشل کریں۔

مہوش اکرم فیشن اور بیوٹی ایکسپرٹ ہیں، فیشن اور بیوٹی ٹپس کے حوالے سے ان کی تحریریںاور وی لاگز خواتین میں بہت مقبول ہیں۔

 

روزنامہ دنیا ایپ انسٹال کریں
Advertisement

چار ملکی کرکٹ سیریز کی پاکستانی تجویز، ایشیا کپ اور چمئینز ٹرافی کا میزبان پاکستان، بھارت پریشان

کیا مودی حکومت میں پاک بھارت کرکٹ ممکن ہے؟،آئی سی سی کے آئندہ اجلاس میں پی سی بی پاکستان ، بھارت ، آسٹریلیا اور انگلینڈ کے درمیان سیریز کی تجویز پیش کرے گا

73ویں پنجاب گیمز:نئے ٹیلنٹ کی تلاش

منتخب کھلاڑی لاہور میں ہونیوالے کھیلوں میں حصہ لیں گے،سپورٹس ڈیپارٹمنٹ اور ایسوسی ایشنز شفاف ٹرائلز کے ذریعے کھلاڑیوں اور ٹیموں کاانتخاب کرنے میں مصروف

پیاز کی کہانی ڈاکٹر بینگن کی زبانی

دورکسی جگہ ایک سر سبز اور زرخیز میدان میں مختلف سبزیوں کی حکمرانی تھی یہاں کسی انسان کا گزر نہیں تھا۔ وہ آزادی سے کھیلتی کودتی تھیں۔ سب میں بڑا اتحاد تھا صرف ایک پیاز ہی تھی جس سے سب دور رہتے تھے۔

اور اعتبار ٹوٹ گیا

اسد علی کو اللہ تعالیٰ نے دولت، جائیداد، اولاد، صحت غرض سب نعمتیں عطا کی ہوئی تھیں۔ وہ بہت خوش حال زندگی گزار رہے تھے۔ گائوں کا نمبردار وڈیرہ ہونے کے باوجود اس میں غرور و تکبر نام کی کوئی چیز نہ تھی۔

بچوں کا انسائیکلو پیڈیا

برف پر پھسلنابرف کی سطح بہت چکنی ہوتی ہے جب آپ کے جوتے کا چکنا تلا اس پر لگتا ہے تو آپ کو آسانی سے پھسلنے سے کوئی چیز نہیں روک سکتی۔ برفانی کھڑائوں (skates)سے پھسلنا اور زیادہ آسان ہو جاتا ہے۔ آپ کا وزن کھڑائوں کے نیچے برف کو پگھلا کر پانی کی تہہ بنا دیتا ہے۔ اس لئے کھڑائوں کے تلے پر لگے بلیڈ بہت پھسلواں ہو جاتے ہیں۔

ذرا مسکرائیے

استاد کلاس میں ایک ڈبہ لے کر آئے۔ لڑکوں نے پوچھا ،’’ استاد جی ! اس ڈبے میں کیا ہے ؟‘‘استاد نے کہا ، ’’ جو درست بتائے گا ، اسے اس ڈبے سے دو پنسلیں ملیں گی۔‘‘٭٭٭