ناخنوں کی سجاوٹ، خوبصورت دکھنے کیلئے ناخنوں پر بھی توجہ دیں
2022ء میں خوبصورت لگنے کیلئے دیگر اہم ٹرینڈز کے ساتھ ساتھ نیل آرٹ اور نیل پالش پرتوجہ دینا بھی اہم ہے۔ ہم سب اس بات سے اتفاق کر تے ہیں کہ خوبصورتی کے رجحانات میں سے ایک ہماری انگلیوں کی نوک پر ہے یعنی ہمارے ناخن۔
بال کٹوانے یا جلد کی دیکھ بھال کیلئے بہت سے اجزاء کو آزمانے کے برعکس، اپنے ناخنوں کو بنائوٹ، ڈیزائن اور نیل کلرکے ساتھ سجانا انتہائی آسان ہے۔ نیل پالش ہاتھوں کی دلکشی میں اضافہ کرتی ہے کوئی بھی تقریب ہو خواتین نیل پالش لگانا پسندکرتی ہیں۔ ناخنوں پر چمکدار نیا رنگ آپ کے مزاج کو بہتر بناتا اور اعتماد کو بڑھاتا ہے۔اس لیے اس بات کو یقینی بنائیں کہ آنے والے 12 مہینوں میں آپ اپنے ناخنوں پر بھی مکمل توجہ دیں گی۔
اگر آپ جاننا چاہتے ہیں کہ 2022ء میں نیل پالش کے کون سے رنگ زیادہ نظر آئیں گے تو یہ پڑھیں۔ جی جناب! نئے سال کے نیل ٹرینڈز دیکھنے کیلئے تیار ہو جائیں۔
1)دھوپ جیسا چمکیلا اور زرد رنگ:عالمی سطح پرکوئی بھی موسم بہار کا فیشن شو دیکھ لیں، ماڈلزنے پیلے رنگ کی نیل پالش لگا رکھی ہو گی۔ ہلکی رنگت کیلئے لیموں رنگ اورگہرے رنگ والے افراد میری گولڈ کلر استعمال کریں۔
2)سبزرنگ: نئی نسل کا سب سے پسندیدہ رنگ سبز ہے۔ سبز کا ہر شیڈ 2022ء کے نیل کلر میں آگے آگے ہے۔ زیتون جیسا سبز ہو یا پودینے کے رنگ جیسا، نوجوان لڑکیاں اس رنگ کو پسندکر رہی ہیں۔
3) بولڈفیوشیاپنکـ:گلابی بہت ہی تروتازہ اور رنگین رنگ ہے، اس سال نیل پالش میں یہ رنگ واپسی کر رہا ہے۔ ہر ٹو ن کی جلد کے ساتھ بالکل جچ جاتا ہے۔ یہ بولڈ نارنجی اور ناشپاتی کے شیڈز کے ساتھ بھی ناقابل یقین حد تک بہتر لگتا ہے۔
3)پیری ونکل رنگ:پیری ونکل پلانٹ جیسا ہلکا گلابی اور جامنی رنگ 2022ء کاسب سے فیورٹ نیل پالش کا شیڈ ہو گا جسے آپ ضرور آزمائیں۔ یہ رنگ ہر رنگت پر خوبصورت نظر آتا ہے اور آپ کے ناخن کے ڈیزائن میں ضم ہوکر ایک بہترین لک دیتا ہے۔
4)سرخ رنگ:2022ء میں سرخ ناخنوں کے ساتھ اپنا سٹائل اسٹیٹمنٹ بنائیں۔ ریٹرو شیڈ چھوٹے یا لمبے ناخنوں پر بہت اچھا لگتا ہے، اور آپ کی انگلیوں کی طرف توجہ مبذول کرنے کا ایک آسان طریقہ بھی ہے۔
5)نیلارنگ:نیلی نیل پالش کے بغیر بہار کا موسم ادھوراہے۔ جی بالکل فیروزی، نیلے اورسکائی بلیو کلر کی نیل پالش بھی لازمی لگائیں۔
6)ملٹی کلر:مکس اینڈ میچ کا فارمولا نیل پالش پر بھی لاگو ہو گا۔ کئی رنگوں کوالگ الگ انگلیوں پر لگا کر آپ بہت ہی اسٹائلش لگیں گی۔
7)گولڈن رنگ:گولڈن رنگ کی نیل پالش پورا سال فیشن میں ان رہے گی، اس کا مٹیلک رنگ ہو یا میٹ دونوں ہی پسندکئے جائیں گے۔ اس کے علاوہ گولڈن گلٹر کوکسی بھی نیل پالش پر ٹاپ کوٹ کیلئے بھی استعمال کریں۔
نیل آرٹ کی بات کریں تو کلاسک فرنچ نیل آرٹ اس سال بھی مقبول رہے گا جبکہ فرنچ ٹپ کا رواج بھی زور پکڑے گا۔2022ء میں کلاسک ڈیزائن کے ساتھ ساتھ فرنچ لائن نیل پالش پسندکی جائے گی۔ رنگین فرنچ ٹپ ٹرینڈکاحصہ ہیں رینبو کلر ٹِپ کا رجحان پہلے سے زیادہ مقبول ہو رہا ہے۔
زیورات صرف آپ کے جسم کے لیے نہیں بلکہ آپ انہیں اپنے ناخنوں پر بھی پہن سکتے ہیں۔ چھوٹی بالیاں یا ناخنوں میں چمکتے نگ جڑ لیں، آپ منفرد نظر آئیں گے۔فیشن گرو کہتے ہیں سٹیٹمنٹ نیل جیولری ٹرینڈ میں رہے گی۔
اینیمل پرنٹ نیل آرٹ میں زیبرا پرنٹ فیشن میں ان ہو رہا ہے جبکہ سیاہ اور سفید رنگ کے امتراج سے بنا ماربل نیل آرٹ بھی ضرور لگائیں، جیومیٹرک نیل آرٹ اور مسکراتے چہروں کو بھی نیل آرٹ میں خاص جگہ مل رہی ہے۔ کچھ نیا کرنا چاہتی ہیں تو 2022ء میں ناخنوں پرنیل آرٹ میں فروٹ نیل آرٹ کو ضرور آزمائیں، اس کے علاوہ آگ کے شعلوں جیسا نیل آرٹ بھی خوب داد سمیٹے گا۔
آپ بھی 2022ء کے ان ٹرینڈز کو اپنانا چاہیں تو اوپر بتائے گئے مختلف خوبصورت ڈیزائنز سے آئیڈیا لے کر اپنا شوق پورا کر سکتی ہیں۔ اس کیلئے ضروری نہیں کہ آپ بیوٹی پارلر ہی جائیں، آپ گھر میں خود یہ کام کرسکتی ہیں۔ مزید بیوٹی ٹپس کیلئے آپ میرا یوٹیوب چینل، فیس بک پیج یا بلاگ ’’آل ان ون دی بیسٹ بلاگ‘‘ بھی دیکھ سکتی ہیں۔