ذرامسکرائیے

تحریر : روزنامہ دنیا


ایک کلاس کے بچوں کو موٹرکار کے عنوان پر دوسو الفاظ پر مشتمل مضمون لکھنے کی ہدایت کی گئی۔ ایک بچے کا مضمون اس طرح تھا۔ میرے پاپا نے پچھلے ہفتے ایک کار خریدی مگر کار کسی طرح اسٹارٹ ہی نہیں ہوئی۔

یہ سولہ الفاظ بنے باقی184الفاظ وہ ہیں جو میرے پاپا نے کار کی شان میں کہے اور جنہیں میں اپنے مضمون میں نہیں لکھ سکتا۔

٭٭٭

ایک دولت مند عورت کی ایک نئی سہیلی پہلی بار اس کی شاندار کوٹھی میں آئی۔ دیر تک وہ حیرت سے یہ ماجرا دیکھتی رہی کہ دولت مند عورت کا بچہ نہایت اطمینان کے ساتھ ڈرائنگ روم کے قیمتی فرنیچر میں کیلیں ٹھوک رہا ہے۔ مہمان خاتون سے رہا نہ گیا تو اس نے دولت مند عورت سے کہا۔

کیا آپ کے بچے کا کھیل آپ کیلئے مہنگا نہیں ہوگا۔

دولت مند عورت نے جواب دیا۔ نہیں، ہم کیلیں تھوک کے بھائو سے منگوا لیتے ہیں۔

٭٭٭

ایک منا سا بچہ جب سکول سے واپس آیا تو رو رہا تھا۔ ماں نے پوچھا ’’ بیٹا کیوں رو رہے ہو‘‘۔

تو بیٹے نے کہا ماسٹر صاحب نے بہت مارا ہے۔کیوں مارا ہے ماسٹر جی نے ’’ ماں نے پوچھا‘‘۔

بچے نے نہایت معصومیت سے جواب دیا۔ ماسٹر صاحب کی کرسی پر سیاہی گری تھی۔ وہ بیٹھنے لگے تو میں نے سوچا کپڑے خراب نہ ہو جائیں اور کرسی پیچھے کھینچ لی ۔

٭٭٭

ماں بیٹی سے (جو کھڑکی کے پاس کھڑی تھی) تم نے ابھی تک کوڑا کیوں نہیں پھینکا۔

بیٹی آپ ہی نے تو کہا تھا کہ آدمی دیکھ کر کوڑا پھینکنا۔ ابھی تک کوئی آدمی گزرا ہی نہیں۔

٭٭٭

امی(مونا سے) ’’یہ کیا کر رہی ہو مونا، چولہے میں چینی کیوں ڈال رہی ہو‘‘؟۔

مونا: آپ نے ہی تو کہا تھا کہ سالن کو میٹھی آنچ پر پکانا ہے‘‘۔

 

 

روزنامہ دنیا ایپ انسٹال کریں
Advertisement

نئی آئینی بحث کا آغاز!

1997ء کے بعد ایک مرتبہ پھرپاکستان مسلم لیگ (ن) اورسپریم کورٹ کے درمیان محاذ آرائی دیکھنے میں آرہی ہے ۔ زہر آلود سیاسی ماحول نے اداروں کو اپنی لپیٹ میں لینا شروع کر دیا ہے۔

مفاہمتی سیاست، مسائل کا واحد حل

ملک کا سیاسی بحران روزانہ کی بنیاد پر بڑھ رہا ہے ۔ ایسے لگتا ہے کہ سب ہی سیاسی جماعتیں عملاً سیاسی محاذ آرائی کو فوقیت دے رہی ہیں ۔ اس کی وجہ سے سیاسی مسائل حل ہونے کی بجائے اور زیادہ بگڑ رہے ہیں ۔

ڈیجیٹل مردم شماری بھی متنازع۔۔۔

پاکستان پیپلز پارٹی ،سندھ یونائیٹڈ پارٹی اور اب ایم کیوایم پاکستان کے اعتراضات کے بعد آخر کار سندھ میں ڈیجیٹل مردم شماری بھی متنازع ہو گئی۔ اس سے قبل سندھ یونائٹیڈ پارٹی کے پیدل مارچ کا کراچی میں اختتام بھی ڈیجیٹل مردم شماری کے خلاف جدوجہد شروع کرنے کے اعلان سے ہواتھا۔

نگران حکومت اور بیوروکریسی میں بڑھتی تلخیاں

خیبرپختونخوا میں تجربات کا سلسلہ جاری ہے ،نیا تجربہ موجودہ نگران حکومت کی شکل میں کیاگیا جس میں صوبہ مکمل طورپر جے یو آئی کے حوالے کردیاگیا۔

نئی سیاسی ہلچل کی بازگشت

غیر یقینی ملکی سیاسی صورتحال نے بلوچستان کو بھی اپنی لپیٹ میں لے رکھا ہے، یہی وجہ ہے کہ صوبے کی سیاسی جماعتیں اور رہنما بھی کھل کر اپنے خیالات کااظہار کرنے سے کترارہے ہیں۔ مرکز میں پی ڈی ایم کے اتحاد کو پاکستان تحریک انصاف کے بڑے چیلنج کا سامنا ہے۔

رمضان المبارک جلد کی حفاظت بھی ایک چیلنج

رمضان المبارک کا مقدس مہینہ جہاں روزے داروں کیلئے بیشمار جسمانی فوائد لے کر آتا ہے، وہیں اکثر خواتین اپنی صحت، خاص طور پر اپنی جلد خراب کر لیتی ہیں۔ سب سے پہلے یہ جاننا ضروری ہے کہ اس ماہ میں آخر جلد مختلف مسائل کا شکار کیوں ہو جاتی ہے؟