قومی فاسٹ باؤلر محمدعباس کا ہیمپشائر کرکٹ سے معاہدہ
فاسٹ باؤلر رواں برس انگلش کاؤنٹی کھیلیں گے ،7میچز کیلئے ٹیم کو دستیاب
لاہور(سپورٹس ڈیسک)قومی ٹیسٹ فاسٹ باؤلر محمدعباس کا ہیمپشائر کرکٹ سے معاہدہ طے پا گیا۔ فاسٹ باؤلر رواں برس انگلش کاؤنٹی کھیلیں گے ۔ محمدعباس 7 میچز کیلئے ہیمپشائر کو دستیاب ہوں گے وہ 23 اپریل تک ہیمپشائر کرکٹ کے ہمراہ رہیں گے ۔ہیمپشائر نے معاہدے کی تصدیق کرتے ہوئے فاسٹ باؤلر کی شمولیت کا خیرمقدم کیا ہے جب کہ محمد عباس نے بھی ویڈیو بیان جاری کرتے ہوئے دلی خوشی کا اظہار کیا ہے ۔ ویڈیو بیان میں باؤلر نے کہا کہ مجھے ہیمپشائر میں شامل ہونے پر واقعی خوشی ہے اور میں اس سمر سیزن میں ٹیم کے ساتھ شامل ہونے کا مزید انتظار نہیں کرسکتا۔اس سے قبل محمدعباس 2 سال تک لیسٹر شائر کی نمائندگی کرچکے ہیں۔ پیسر لیسٹر شائر کی جانب سے 2 سیزن میں 19 میچوں کے دوران 79 وکٹیں حاصل کر چکے تھے ۔
روزنامہ دنیا ایپ انسٹال کریں
