نیوز الرٹ
  • بریکنگ :- پاکستان کی مقبوضہ کشمیرمیں مزید 3کشمیریوں کےقتل کی مذمت
  • بریکنگ :- کشمیریوں کےماورائےعدالت قتل کی کارروائیوں میں اضافہ ہوا،ترجمان
  • بریکنگ :- رواں سال بھارتی فوج نے 55سےزائدکشمیریوں کوشہیدکیا،ترجمان دفترخارجہ
  • بریکنگ :- کسی بھی طرح کاتشددکشمیریوں کےجذبہ حق خودارادیت کودبانہیں سکتا،ترجمان
  • بریکنگ :- کشمیریوں کےماورائےعدالت قتل کی آزادانہ تحقیقات کامطالبہ کرتےہیں،ترجمان
Coronavirus Updates

سپر لیگ، قلندرزنے یونائیٹڈ کی آنکھوں سے فتح کا خواب چھین لیا

سپر لیگ، قلندرزنے یونائیٹڈ کی آنکھوں سے فتح کا خواب چھین لیا

دنیا اخبار

پاکستان سپر لیگ کے چھٹے ایڈیشن کے میچ میں لاہور قلندرز نے اسلام آباد یونائیٹڈ کو 5 وکٹ سے شکست دیدی، جیمز فالکنر نے 3 وکٹیں لیں ، 15ویں میچ میں یونائیٹڈ نے پہلے بیٹنگ کرتے ہوئے مقررہ 20 اوورز میں 144 رنز بنائے جواب میں قلندرز نے ہدف آخری گیند پر پورا کیا

ابو ظہبی(سپورٹس ڈیسک)پاکستان سپر لیگ کے چھٹے ایڈیشن کے میچ میں لاہور قلندرز نے اسلام آباد یونائیٹڈ کو 5 وکٹ سے شکست دیدی۔ ابوظہبی میں کھیلے گئے پی ایس ایل 6 کے 15ویں میچ میں اسلام آباد یونائیٹڈ نے پہلے بیٹنگ کرتے ہوئے مقررہ 20 اوورز میں 144 رنز بنائے جس کے جواب میں لاہور قلندرز نے مطلوبہ ہدف آخری گیند پر پورا کیا۔لاہور قلندرز کی جانب سے کپتان سہیل اختر اور فخرزمان نے اننگز کا آغاز کیا تاہم فخر 9 رنز کے مہمان ثابت ہوئے جس کے بعد محمد فیضان بیٹنگ کے لیے آئے مگر وہ بھی 9 رنز ہی بناسکے ۔کپتان سہیل اختر اور محمد حفیظ نے ذمہ دارانہ بیٹنگ کا مظاہرہ کیا۔ سہیل اختر نے 40 رنز کی جارحانہ اننگز کھیلی جب کہ حفیظ 29 رنز بناکر آؤٹ ہوئے ۔ بین ڈنک 17 رنز بناکر آؤٹ ہوئے ، ٹم ڈیوڈ 23 رنز پر ناٹ آؤٹ رہے ۔راشد خان نے آخری مرحلے میں زبردست بلے بازی کا مظاہرہ کرتے ہوئے 5 گیندوں پر 15 رنز بنائے ۔ اسلام آباد یونائیٹڈ کی جانب سے حسن علی نے 2 وکٹیں حاصل کیں جب کہ فواد احمد، شاداب خان اور فہیم اشرف نے ایک ایک وکٹ حاصل کی۔اس سے قبل میچ کا ٹاس لاہور قلندرز کے کپتان سہیل اختر نے جیت کر پہلے اسلام آباد یونائیٹڈ کو بیٹنگ کی دعوت دی تو کولن منرو اور عثمان خواجہ نے اننگز کا آغاز کیا۔ جیمز فالکنر نے نپی تلی بولنگ کرتے ہوئے کولن منرو 11، روحیل نذیر 8 اور شاداب خان کو 7 رنز پر پویلین واپس بھیج دیا۔عثمان خواجہ 18 رنز پر حارث رؤف کا شکار بنے ، افتخار احمد 12 رنز کے مہمان ثابت ہوئے اور حسین طلعت کی اننگز بھی 14 رنز تک محدود رہی۔ آصف علی 7 رنز بنانے کے بعد آؤٹ ہوئے جب کہ حسن علی نے 14 رنز جوڑے ۔فہیم اشرف آخری اوور تک مزاحمت کرتے رہے اور بلآخر شاہین آفریدی کا شکار بنے وہ 27 رنز بنانے کے بعد آؤٹ ہوئے ۔ لاہور قلندرز کی جانب سے جیمز فالکنر نے 3، حارث رؤف اور احمد دانیال نے 2،2 جب کہ شاہین آفریدی اور راشد خان نے ایک ایک وکٹ حاصل کی۔

روزنامہ دنیا ایپ انسٹال کریں
Advertisement