قومی ٹیم کی مانچسٹر میں نماز عید کی ادائیگی،سرفراز نے خطبہ دیا
کھلاڑیوں نے ہوٹل میں نماز ادا کی، ایک دوسرے کو مبارک باد دی،گلے ملے
مانچسٹر(سپورٹس ڈیسک)انگلینڈ میں موجودپاکستان کرکٹ ٹیم نے مانچسٹر میں نماز عید ادا کی، سابق کپتان وکٹ کیپر سرفراز احمد نے خطبہ دیا۔ بڑی عید پر جہاں سب آج اپنے اپنے گھروں پر خوشیاں منا رہے ہونگے وہیں قومی کھلاڑی قومی فرائض کی ادائیگی کے لئے اپنوں سے دور عید منا رہے ہیں۔کھلاڑیوں نے مانچسٹر کے ہوٹل میں نماز عید ادا کی۔ سابق کپتان وکٹ کیپر سرفراز احمد نے خطبہ دیا اور ان ہی کی امامت میں کھلاڑیوں اور کوچنگ سٹاف نے نماز عید ادا کی جس کے بعد کھلاڑیوں نے ایک دوسرے کو عید کی مبارک باد پیش کی اور گلے بھی ملے ۔دوسری جانب ٹوکیو اولمپکس میں شرکت کیلئے جاپان میں موجود پاکستانی کھلاڑیوں نے اولمپک ویلج میں دیگر مسلم ممالک کے ہمراہ نماز عید ادا کی۔
روزنامہ دنیا ایپ انسٹال کریں
