پاکستان کرکٹ ٹیم کا سکواڈ زمبابوے سے جنوبی افریقہ روانہ
بلاوائیو(سپورٹس ڈیسک )پاکستان کرکٹ ٹیم کا سکواڈ زمبابوے کے شہر بلاوائیو سے جنوبی افریقہ کے لیے روانہ ہوگیا۔
قومی ٹیم جنوبی افریقہ کے خلاف 3 ٹی ٹونٹی، 3 ون ڈے اور 2 ٹیسٹ میچز پر مشتمل سیریز کھیلے گی۔زمبابوے سے سلمان علی آغا، عرفان خان نیازی، حارث رؤف، صائم ایوب، ابرار احمد، محمد حسنین، عثمان خان، عباس آفریدی، جہانداد خان، سفیان مقیم، طیب طاہر اور عمیر بن یوسف ڈربن کے لیے روانہ ہوئے ہیں۔کپتان محمد رضوان، بابر اعظم اور شاہین آفریدی ٹیم کو ڈربن میں جوائن کریں گے ۔حسیب اللّٰہ خان، عرفات منہاس، عامر جمال، صاحبزادہ فرحان اور قاسم اکرم براستہ دبئی وطن واپس روانہ ہوئے ۔واضح رہے کہ پاکستان نے زمبابوے کے خلاف ون ڈے اور ٹی ٹونٹی دونوں سیریز 1-2 سے جیتی تھیں۔
روزنامہ دنیا ایپ انسٹال کریں
