ہیڈ کوچ جیسن گلیسپی کا جنوبی افریقہ جانے سے انکار
لاہور(سپورٹس ڈیسک )قومی کرکٹ ٹیم کے ہیڈ کوچ جیسن گلیسپی نے جنوبی افریقہ جانے سے انکار کردیا۔ذرائع کا کہنا ہے کہ جیسن گلیسپی نے ٹم نیلسن کے معاہدے میں توسیع نہ ہونے پر جنوبی افریقہ نہ جانے کا فیصلہ کیا۔۔۔
تاہم انہوں نے ذاتی وجوہات کی بنا پر جنوبی افریقہ نہ جانے کا بورڈ کو بتایا ہے ۔خیال رہے کہ پی سی بی نے جیسن گلیسپی کو مستقبل میں ذمہ داریاں نہ دینے کا فیصلہ کیا تھا۔ذرائع کے مطابق گیری کرسٹن کی طرح جیسن گلیسپی نے بھی وقت سے پہلے مستعفی ہونے کا فیصلہ کیا ہے۔ وائٹ بال کے عبوری ہیڈ کوچ عاقب جاوید کے ریڈ بال میں ذمہ داریاں جاری رکھنے کا امکان ہے ۔خیال رہے کہ جیسن گلیسپی کو آج جنوبی افریقہ پہنچنا اورپری ٹیسٹ کیمپ کی نگرانی کرنا تھی۔
روزنامہ دنیا ایپ انسٹال کریں
