فاسٹ بولر احسان اللہ کی اپنے بیان پر معافی ، ریٹائرمنٹ بھی واپس

فاسٹ بولر احسان اللہ کی اپنے بیان پر معافی ، ریٹائرمنٹ بھی واپس

لاہور (سپورٹس ڈیسک )قومی ٹیم کے فاسٹ بولر احسان اللہ نے اپنے بیان پر معاف مانگتے ہوئے ریٹائرمنٹ بھی واپس لے لی۔

انہوں نے نجی ٹی وی سے گفتگو کرتے ہوئے کہا کہ پی ایس ایل میں کسی فرنچائز نے پک نہیں کیا تو لوگ بھی باتیں بنانے لگے تھے ،جس پر میں نے جذبات پر آکر ریٹائرمنٹ کا اعلان کردیا تھا۔ دوبارہ محنت کروں گا اور جن لوگوں نے پک نہیں کیا ہے وہ مجھے منتخب کرینگے ،انجری اب ٹھیک ہے ، بولنگ کررہا ہوں، بولنگ سپیڈ 135سے 140آرہی ہے کوشش ہوگی کہ اس سے زیادہ سپیڈ آجائے اور 150سے بولنگ کرنے لگوں۔انہوں نے مزید کہا کہ ڈومیسٹک میں اچھا پرفارم کرکے لوگوں کو خوش کروں گا۔ کل رات غلط فیصلہ کیا تھا فرنچائز سے بھی معذرت کرتا ہوں مجھے ایسا نہیں کرنا چاہیے ، پی سی بی کا شکر گزار ہوں کے بولنگ کے لیے بلایا اور میں پھر سے کرکٹ کھیل رہا ہوں۔ اگر ملتان سلطانز نے دوبارہ بلایا تو ضرور جاؤں گا اور اچھے پیس کے ساتھ واپسی ہوگی۔کہنی کے آپریشن سے متعلق انہوں نے بتایا کہ علی ترین اور پی سی بی کا شکر گزار ہوں مجھے انگلینڈ بھیجا۔

 

روزنامہ دنیا ایپ انسٹال کریں