مجھے نہیں پتہ کب تک بالکل تندرست ہوسکوں گا: صائم ایوب

لاہور(سپورٹس ڈیسک )لندن میں زیر علاج قومی بیٹر صائم ایوب نے کہا ہے کہ مجھے نہیں پتہ کہ کب تک بالکل تندرست ہوسکوں گا۔
نجی ٹی وی سے گفتگو میں کرتے ہوئے انہوں نے کہاکہ اپنی طرف سے پوری کوشش کروں گا اور ڈاکٹر ز بھی پوری کوشش کریں گے ۔ مجھے نہیں پتہ کہ کب تک بالکل تندرست ہوسکوں گا۔ان سے سوال کیا گیاکہ دو سنچریوں کے بعد پوری ٹیم کوآپ سے بڑی امیدیں ہیں؟ اس پر انہوں نے کہا کہ صرف ایک کھلاڑی اہم نہیں ہوتا، جیت کیلئے پوری ٹیم مل کرکھیلتی ہے ۔خیال رہے کہ گزشتہ دنوں صائم ایوب جنوبی افریقا کیخلاف کیپ ٹاؤن ٹیسٹ کے دوران انجری کا شکار ہوئے تھے اور ابتدائی رپورٹس میں ان کے ٹخنے میں فریکچر آیا ہے ۔