میری صحت سے متعلق خبر جھوٹی ہے :جسپریت بمراہ

میری صحت سے متعلق خبر جھوٹی ہے :جسپریت بمراہ

ممبئی (سپورٹس ڈیسک )بھارت کے فاسٹ بولر جسپریت بمراہ نے اپنی صحت سے متعلق خبر کو فیک نیوز قرار دے دیا۔سماجی رابطے کی ویب سائٹ ایکس پر جسپریت بمراہ نے اپنی صحت سے متعلق خود ہی بیان جاری کر تے ہوئے کہا کہ مجھے پتہ ہے کہ فیک نیوز پھیلانا بہت آسان ہے ۔

 اپنی صحت سے متعلق خبر پڑھ کر ہنسی آئی۔واضح رہے کہ گزشتہ روز بھارتی میڈیا نے کہا تھا کہ آسٹریلیا کے خلاف سیریز کے آخری ٹیسٹ میچ میں قیادت کرنے والے فاسٹ بولر جسپریت بمراہ بیڈ ریسٹ پر چلے گئے ہیں۔ فاسٹ بولر کرکٹ میں واپسی کے لیے جلد بازی نہیں کریں گے ، جسپریت بمراہ کی کمر کی تکلیف سے متعلق رپورٹس حوصلہ افزا نہیں ہیں۔یاد رہے کہ بھارت کے جسپریت بمراہ بورڈر گواسکر ٹرافی کے سڈنی ٹیسٹ میچ میں کمر کی تکلیف کا شکار ہوئے تھے ۔

 

روزنامہ دنیا ایپ انسٹال کریں