نفسیاتی مسائل اور ذیابیطس میں گہرا تعلق دریافت
ڈنمارک کے ماہرین نے طویل تحقیق کے بعد دریافت کیا کہ مختلف نفسیاتی مسائل میں مبتلا افراد ذیابیطس کا آسان شکار بھی ثابت ہوسکتے ہیں
کوپن ہیگن(نیٹ نیوز) یونیورسٹی آف سدرن ڈنمارک کی نینا لندیکلدے کی سربراہی میں یہ جامع تحقیق ڈنمارک اور ہالینڈ کے مختلف تحقیقی اداروں سے وابستہ ماہرین نے انجام دی جس کی تفصیلات ریسرچ جرنل ‘‘ڈائبیٹالوجیا’’ کے تازہ شمارے میں آن لائن شائع ہوئی ہیں۔ تحقیق کیلئے انہوں نے 245 مطالعات اور 32 تجزیات سے استفادہ کیا ۔ٹائپ 2 ذیابیطس کی شرح سب سے زیادہ نیند کی خرابی کا شکار افراد میں دیکھی گئی جو 40 فیصد تھی جبکہ نفسیاتی تناؤ کی وجہ سے کھانے میں بے اعتدالی برتنے والوں کیلئے یہ شرح 21 تھی۔ تحقیق کی روشنی میں ماہرین نے بطورِ خاص نیند کی خرابی سے خبردار کرتے ہوئے کہا کہ اس سے نہ صرف ذیابیطس بلکہ دل اور دماغ کی بیماریاں بھی لاحق ہوسکتی ہیں۔