فرانس:آسمانی پتھر سے بنا ہینڈبیگ، قیمت 43 ہزار ڈالر
پیرس(نیٹ نیوز)فرانس میں قیمتی بیگ بنانے والی کمپنی نے ایک دلچسپ مصنوعہ پیش کی ہے ۔ یہ ایک ہینڈ بیگ ہے جو شہابی پتھر سے تراشا گیا ہے۔۔
کوپرنی نامی کمپنی نے 55 ہزار سال قبل زمین پر گرنے والے ایک آسمانی پتھر سے بنے صرف چند بیگ پیش کئے ہیں جن میں سے ایک کی قیمت 43 ہزار ڈالر یا پاکستانی روپوں میں سواکروڑروپے کے لگ بھگ ہے ۔ ان بیگ کو موسمِ خزاں اور سرما کے کلیکشن کے طور پر پیش کیا جائے گا جو چھوٹے شہابی پتھر سے بنایا گیا ہے ۔کمپنی کے مطابق ان کے ہنرمندوں نے بے شکل پتھر کو اپنے ہاتھوں سے ایک بیگ کی شکل دی ہے ۔ لیکن اس کا پتھریلا خام مال زمین کے بجائے خلا سے یہاں تک پہنچا ہے ۔ اس طرح ہر بیگ برابرنہیں اور ان جسامت و وزن میں بھی فرق ہے ۔ایک ماڈل بیگ دو کلوگرام تک وزنی ہے ۔ آج رقم جمع کراتے ہیں تو چھ ہفتے بعد ہی اس کی فراہمی ممکن ہوسکے گی۔
روزنامہ دنیا ایپ انسٹال کریں
