چین میں دنیا کے سب سے بڑے سونے کے ذخائر دریافت
بیجنگ(نیٹ نیوز)چین نے دنیا کے سب سے بڑے سونے کے ذخائر دریافت کرنے کا اعلان کر دیا۔چین کے ریاستی میڈیا کے مطابق ہونان کے جیولوجیکل بیورو کا کہنا تھا کہ یہ ذخائر وسطی چین میں وانگو گولڈ فیلڈ کے مقام پر پائے گئے ہیں۔۔۔
جہاں سے ہزار ٹن سے زیادہ (80 ارب ڈالر سے زیادہ مالیت) کی پیداوار ہو سکتی ہے ۔بیورو نے ہونان صوبے کے پِنگ جیانگ کاؤنٹی میں تقریباً ایک میل گہرائی میں چٹانوں میں دھات کی 40 رگوں (گولڈ وینز) کی دریافت کا اعلان کیا ہے جو کہ طویل ہیں اور ان کے سرے تنگ ہیں اور یہ سونے سے بھری ہوئی ہیں۔ماہرینِ ارضیات کا کہنا تھا کہ عین ممکن ہے کہ صرف ان چٹانوں میں 300 ٹن سونا موجود ہے اور مزید گہرائی میں سونے کے مزید ذخائر موجود ہوں۔ یہاں سونے کے ذخائرتقریباً 83 ارب ڈالر مالیت کے برابر ہیں۔
روزنامہ دنیا ایپ انسٹال کریں
