پولینڈ: ہیلی کاپٹر کی پرواز میں شادی کی انوکھی پیشکش
واشنگٹن(نیٹ نیوز)نوجوان نے اپنی محبوبہ کو شادی کی پیشکش کرنے کے لیے ہیلی کاپٹر سے اڑان بھر کر فضاء میں ‘میری می’ (MARRY ME) کے الفاظ اور دل کا نشان اسکیچ کر کے دل موہ لیا۔
فلائٹ ریڈار نے فضاء میں لکھے گئے الفاظ ‘میری می’ اور دل کے نشان کی تصویر جاری کی ۔فلائٹ ریڈار کے مطابق یکم دسمبر کو پولینڈ کے نواحی علاقے میں الیگزینڈر نامی نوجوان نے خوبصورت ہیلی کاپٹر کرائے پر لیا اور پائلٹ کیساتھ ایئر پورٹ سے اڑان بھری۔ الیگزینڈر نے اپنی محبوبہ اولیویا سے فلائٹ ریڈار پر اپنی پرواز کو ٹریک کرنے کا کہا، جیسے ہی اولیویا نے موبائل فون سے فلائٹ ریڈار پر ہیلی کاپٹر کو ٹریک کیا تو پرواز کا روٹ دیکھتے ہی وہ ‘یس’ کہتے ہوئے چیخ اٹھی اور اس کے ساتھ ہی الیگزینڈر نے شادی کی پیشکش کی خاص انگوٹھی نکال کر اپنی محبوبہ کو پہنا دی۔
روزنامہ دنیا ایپ انسٹال کریں
