موبائل پر زیادہ وقت بچوں میں جارحانہ رویہ پیدا کرسکتا
لندن(نیٹ نیوز)نئی تحقیق میں خبردار کیا گیا ہے کہ موبائل اسکرین پر بہت زیادہ وقت چھوٹے بچوں کی نیند کو خراب کرسکتا ہے جو بالآخر ان میں جارحانہ رویے کو فروغ دے سکتا ہے۔
محققین نے ارلی چائلڈ ڈویلپمنٹ اینڈ کیئر جریدے میں رپورٹ کیا ہے کہ نیند کی خرابی بچوں میں ناقص توجہ، متشدد سرگرمیوں اور موڈ کی خرابی کو بڑھا سکتی ہے ۔مزید برآں بدترین صورتوں میں بچے ایسی صورت حال میں جاسکتے ہیں جہاں والدین کا انہیں کنٹرول کرنا انتہائی مشکل ہوجاتا ہے ۔ ڈاکٹر بوون ژاؤ نے کہا کہ ہمارے نتائج بتاتے ہیں کہ موبائل سکرین پر ضرورت سے زیادہ وقت اور نیند میں خلل ایک دوسرے کو تقویت دیتے ہیں جس سے توجہ کے مسائل، اضطراب اور ڈپریشن کا خطرہ بڑھ جاتا ہے۔
روزنامہ دنیا ایپ انسٹال کریں
