گرل فرینڈ سے جھگڑا، لڑکے نے جہاز کا دروازہ کھول دیا

نیویارک(نیٹ نیوز)امریکا میں ایک شخص کو گرل فرینڈ سے جھگڑے کے بعد پرواز کا ایمرجنسی دروازہ کھولنے کی کوشش پر گرفتار کر لیا گیا۔
امریکی شہر بوسٹن میں قائم لوگن ایئر پورٹ پر ٹیکسنگ کے دوران پورٹو ریکو کے ایک مسافر نے اپنی گرل فرینڈ سے مبینہ بحث کے بعد دروازہ کھول کر چھلانگ لگانے کوشش کی، جس کو ایک اور مسافر نے ناکام بنایا۔غیر ملکی خبررساں ادارے کیمطابق مورالز ٹوریز نامی فرد کے عمل کی وجہ سے ایمرجنسی سلائیڈ کھل گئی اور واقعے کے بعد اسکو گرفتار کر لیا۔ عینی شاہد کے مطابق مورالز ٹوریز اپنی گرل فرینڈ کے ساتھ جھگڑ رہے تھے جب انہوں نے پورٹو ریکو کے شہر سان ژوان جانے والی فلائٹ 161 کا اچانک دروازہ کھولا۔ ایک ایف بی آئی اہلکار نے اس کو پکڑا، ہتھکڑی لگائی۔تھوڑی دیر بعد ریاستی پولیس آئی اور ملزم کو ساتھ لے گئی۔