499 افراد پر مشتمل ملک جہاں شرحِ پیدائش صفر
ویٹیکن(نیٹ نیوز)یہ بات ناقابلِ یقین ہے کہ دنیا میں کوئی ملک ایسا بھی ہے جہاں شرحِ پیدائش صفر ہے مگر یہ حقیقت ہے ۔
ویٹیکن سٹی اپنے رقبے اور آبادی کے لحاظ سے ناصرف یورپ بلکہ دنیا کا سب سے چھوٹا ملک ہونے کا اعزاز رکھتا ہے ، یہ ملک رومن کیتھولک چرچ کا مرکز بھی ہے ۔ ویٹیکن سٹی کی آبادی بہت کم ہے جو کہ اس وقت صرف 499 افراد پر مشتمل ہے ۔ پوپ فرانسس جو رومن کیتھولک چرچ کے رہنما ہیں وہ ویٹیکن سٹی میں رہتے ہیں اور اس ملک کے حکمراں بھی ہیں۔ ویٹیکن سٹی دنیا کا واحد ملک ہے جہاں شرحِ پیدائش صفر ہے کیونکہ یہاں لوگ ریاست کے اندر کام کر کے یا پھر پوپ کی طرف سے دعوت نامہ وصول کرنے کے بعد ہی یہاں کی شہریت حاصل کر سکتے ہیں۔ ملک کی معیشت کا انحصار کیتھولکس کے عطیات، ڈاک ٹکٹوں، سیاحتی مقامات کے ٹکٹوں اور اشاعتوں کی فروخت پر ہے ۔
روزنامہ دنیا ایپ انسٹال کریں
