اسلام آباد: (دنیا نیوز) وفاقی حکومت نے بانی پی ٹی آئی کو جیل سے ہسپتال منتقل کرنے کا فیصلہ کر لیا۔
راہِ ہدایت
اور وہی تو ہے جس نے زمین میں تم کو اپنا نائب بنایااور ایک دوسرے پر درجے بلند کئے تاکہ جو کچھ اس نے تمہیں بخشا ہے اس میں تمہاری آزمائش کرے۔ (سورۃ الانعام آیت نمبر:165)
فرسودہ نظام ختم، پہلے یوٹیلیٹی سٹورز کے ذریعے ناقص اشیاکیلئے مستحقین کو عزت نفس قربان کرکے قطاروں میں لگنا پڑتا تھا،تھرڈ پارٹی ویلیڈیشن سے نئے نظام کی شفافیت پر مہر تصدیق ثبت :خطاباسلام آباد میں سکیورٹی کی صورتحال و دیگر معاملات کو نہایت احسن انداز سے حل کیا جائے ، وزیراعظم کی وزیرداخلہ محسن نقوی کو ہدایت، دورہ سری لنکاپر بات چیت،سری لنکن صدر کو پیغام بھیجیں گے
ڈاکٹر امجد اور ندیم قریشی پرمشتمل 2رکنی پینل طبی معائنہ کریگا ،بیٹے باپ کی آواز سن کر خوش ، علاج ہونے تک خیبرپختونخوا بند کردیاجائے :علیمہ ،ارکان پارلیمنٹ کا دھرنا جاری خیبرپختونخوا کے کئی داخلی وخارجی راستے بند ،مسئلہ حل ہونے تک دھرنا دینگے :علی امین گنڈاپور، پی ٹی آئی پوائنٹ سکورنگ سے گریزبرتے ،صحت پر سیاست نہ کرے :وفاقی وزرا
یہ قربانی نہیں دے سکتے ،میں نے تکلیفیں کاٹیں لیکن ہمت نہیں ہاری،جیلوں میں عبادت کرنی چاہیے ، دعا قبول ہوتی ہےپورا پاکستان جیتیں گے ، بلاول وزیراعظم ہونگے :کارکنوں سے خطاب، منگل کو لاہورآمد، پارٹی عہدیداروں سے ملیں گے
سکول، کالج، ہسپتال اورٹیوٹا کے ادارے بنیں گے ، گرین بس سروس فراہم کرنے کابھی فیصلہ،3رکنی اعلیٰ سطح کی کمیٹی قائم ریاست کی رٹ کوبحال رکھنا ہے ،کچہ کے لوگ فخرکریں گے :وزیراعلیٰ ، آلو کے کاشتکاروں کیلئے مریم نواز کا وزیراعظم کو خط
فورٹ عباس جوڈیشل کمپلیکس کادورہ، عدالتی امور ،سہولیات کا جائزہ ،ججز سے ملاقات ،بینچ اور بار میں تعاون پر زور خواتین فیسلٹیشن سینٹرز کے قیام کا اعلان ، عدالتوں کی سولرائزیشن، ای لائبریریز ، واٹر پلانٹس اگست میں مکمل:اعلامیہ
پراپرٹی سیکٹر میں ٹیکسوں کی شرح میں کمی پر غور ہوگا،10سے 12دن دے دیں،ٹیکسٹائل سیکٹر کیلئے جلد کچھ کرینگے :اورنگزیبسپر ٹیکس کے اثرات ظاہر ہو رہے ، کیا حکومت سے شکوہ نہیں کرسکتے ؟معیشت مستحکم ، اب ہمارے کاروبار کو فروغ دیں:گوہر اعجاز
5سے 10سال قید ،سہولت کارکوبھی سزاہوگی ،ہرضلع میں پنجاب پراپرٹی ٹربیونل بنے گا ،کیس کا فیصلہ 30دن میں ہوگا ایڈیشنل سیشن ججز کو بطور ٹربیونل تعینات کیا جائے گا،فیصلے کیخلاف 30دن میں لاہور ہائیکورٹ سے رجوع کیا جاسکے گا
پسماندہ علاقوں میں تعلیمی مواقع فراہم کیے جائیں تو قوم پیچھے نہیں رہ سکتین لیگ انتقامی سیاست پر یقین نہیں رکھتی:یونیورسٹی آف نارووال میں خطاب
متفرقات
ایپل کار کے خواب کی عملی جھلکدنیا کی آٹو موبائل صنعت ایک ایسے موڑ پر کھڑی ہے جہاں رفتار اور طاقت کے ساتھ ساتھ پائیداری، ذہانت اور ڈیزائن کی نفاست بھی فیصلہ کن اہمیت اختیار کر چکی ہے۔ اسی بدلتے ہوئے منظرنامے میں ''فیراری‘‘ (Ferrari) نے اپنی پہلی مکمل الیکٹرک سپورٹس کار متعارف کرانے کی تیاری کر لی ہے، جسے ''فیراری لوسے‘‘ کا نام دیا گیا ہے۔ اطالوی زبان میں ''لوسے‘‘ یعنی روشنی اور بظاہر یہ نام محض علامتی نہیں بلکہ ایک نئے عہد کی علامت ہے، جہاں روایتی انجن کی گرج کے بجائے برقی طاقت کی خاموش رفتار مستقبل کی سمت متعین کرے گی۔دلچسپ امر یہ ہے کہ اس گاڑی کے ڈیزائن میں ٹیکنالوجی کی دنیا کی ایک عظیم شخصیت کا تخلیقی لمس شامل ہے۔ سر جونی آئیو ( Sir Jony Ive) جنہیں جدید صنعتی ڈیزائن کا معمار سمجھا جاتا ہے، اس منصوبے میں کلیدی کردار ادا کر رہے ہیں۔ وہی ڈیزائنر جنہوں نے ''ایپل‘‘ (Apple) کی معروف مصنوعات کو نئی بصری شناخت دی اور سادگی کو جدت کا استعارہ بنا دیا۔ ان کی سوچ ہمیشہ اس اصول کے گرد گھومتی رہی ہے کہ بہترین ڈیزائن وہ ہے جو کم سے کم اجزا کے ساتھ زیادہ سے زیادہ فعالیت فراہم کرے۔ یہی فلسفہ اب ایک اطالوی سپر کار کی دنیا میں داخل ہو رہا ہے۔ طویل انتظار کے بعد متوقع ایپل کار اگرچہ حقیقت کا روپ نہ دھار سکی، تاہم ٹیکنالوجی کی دنیا کے اس خواب کا عکس اب فیراری (Ferrari) کی پہلی مکمل الیکٹرک سپورٹس کار ''فیراری لوسے‘‘ میں دکھائی دینے والا ہے۔ ڈیزائن میں ایپل کی جھلکاس شاندار گاڑی کے اندرونی ڈیزائن کے پیچھے وہی تخلیقی ذہن کارفرما ہے جس نے ''ایپل‘‘ (Apple) کی معروف مصنوعات کو نئی شناخت دی یعنی سر جانی آئیو ( Sir Jony Ive)۔ میک سے لے کر آئی فون تک، سادگی، نفاست اور فعالیت کو یکجا کرنا اُن کا امتیاز رہا ہے۔ یہی فلسفہ ''فیراری لوسے‘‘ کے کیبن میں بھی نمایاں ہے، جہاں ایلومینیم کے باریک تراشے گئے حصے اور شیشے کی نفیس تکمیل ایک پرتعیش فضا پیدا کرتے ہیں۔سر آئیو کے متعارف کردہ ''یونی باڈی‘‘ ڈیزائن کی یاد دلاتا ہوا اندرونی ڈھانچہ ایک مربوط، مضبوط اور ہم آہنگ تاثر دیتا ہے۔ کنٹرول پینل اور شفٹر میں استعمال ہونے والا مضبوط شیشہ جدید اسمارٹ فونز کی ٹیکنالوجی کی بازگشت سناتا ہے، جس سے گاڑی کا اندرونی حصہ مستقبل کی جھلک پیش کرتا ہے۔فعالیت اور تحفظ کا امتزاجفیراری کے مطابق گاڑی کے ہر جزو کو صارف کے تجربے اور فعالیت کو مدنظر رکھ کر ڈیزائن کیا گیا ہے۔ اسپیڈومیٹر اور دیگر آلات پر مشتمل ڈیش بورڈ اسٹیئرنگ وہیل کے ساتھ مربوط ہے، تاکہ موڑ کاٹتے وقت بھی ڈرائیور کی نظر ہمیشہ اہم معلومات پر مرکوز رہے۔ بظاہر اینالاگ دکھائی دینے والے ڈسپلے درحقیقت باریک OLED اسکرینز ہیں جو شفاف اور روشن گرافکس فراہم کرتے ہیں۔دلچسپ امر یہ ہے کہ جہاں جدید الیکٹرک گاڑیاں بڑے ٹچ اسکرینز پر انحصار کرتی ہیں، وہیں ''فیراری لوسے‘‘ اس رجحان سے ہٹ کر متوازن راستہ اختیار کرتی ہے۔ ایک چھوٹا، آئی پیڈ نما ڈسپلے بال ساکٹ پر نصب ہے، جو ڈرائیور یا مسافر کی جانب جھکایا جا سکتا ہے۔ اسے پام ریسٹ کے ساتھ اس طرح ترتیب دیا گیا ہے کہ ڈرائیور بغیر نگاہ ہٹائے کنٹرولز استعمال کر سکے۔ یوں ''کگنیٹو لوڈ‘‘ کم ہوتا ہے اور توجہ سڑک پر برقرار رہتی ہے۔حالیہ مطالعات نے بھی اشارہ کیا ہے کہ بڑے ٹچ اسکرین انٹرفیس ڈرائیونگ کے دوران توجہ منتشر کرنے کا سبب بن سکتے ہیں۔ اسی تناظر میں فیراری کا یہ فیصلہ نہ صرف ڈیزائن کا جرات مندانہ قدم ہے بلکہ ممکنہ طور پر حفاظتی اعتبار سے بھی اہم پیش رفت ہے۔فزیکل کنٹرولز کی واپسیسر آئیو کے ایپل دور میں بٹنوں کی کمی کو جدت کی علامت سمجھا جاتا تھا، مگر ''فیراری لوسے‘‘ اس کے برعکس ایک نئی سمت دکھاتی ہے۔ اسٹیئرنگ وہیل اور کنٹرول پینل پر بڑے دھاتی ڈائلز، سوئچ اور بٹن نمایاں ہیں۔ حتیٰ کہ ریئر ویو مرر کے قریب اوور ہیڈ پینل میں فوگ لائٹس، ڈی مسٹرز اور لانچ کنٹرولز کیلئے علیحدہ سوئچ نصب ہیں۔ یہ سب کچھ ڈرائیونگ کے عملی تقاضوں کو مدنظر رکھتے ہوئے ترتیب دیا گیا ہے۔حتمی رونمائی کا انتظارفی الحال فیراری نے انجن، بیٹری کی گنجائش اور بیرونی ڈیزائن سے متعلق تفصیلات کو راز میں رکھا ہوا ہے۔ تاہم ابتدائی جھلک سے اندازہ ہوتا ہے کہ ''فیراری لوسے‘‘ محض ایک الیکٹرک گاڑی نہیں بلکہ ڈیزائن، ٹیکنالوجی اور کارکردگی کے امتزاج کی نئی تعریف ثابت ہو سکتی ہے۔موٹرنگ اور ایپل کے شائقین اب مئی کی متوقع رونمائی کے منتظر ہیں، جب یہ ''روشنی‘‘ واقعی سڑکوں پر اترے گی اور دیکھا جائے گا کہ کیا یہ خواب حقیقت سے بھی زیادہ دلکش ثابت ہوتا ہے۔
جدید دور میں جہاں گھروں کو ہر موسم میں بند رکھنا معمول بنتا جا رہا ہے، وہیں صحتِ عامہ سے متعلق نئے خدشات بھی جنم لے رہے ہیں۔ بند کمروں میں گردش کرتی ہوا جراثیم، وائرس اور مضر ذرات سے آلودہ ہو کر انسانی صحت پر منفی اثرات ڈال سکتی ہے۔ ایسے میں ''ہاؤس برپنگ‘‘ کا نیا رجحان توجہ حاصل کر رہا ہے، جس کے تحت لوگ باقاعدگی سے کھڑکیاں اور دروازے کھول کر گھروں کی فضا کو تازہ ہوا سے بدلتے ہیں۔ دلچسپ امر یہ ہے کہ سائنس دانوں نے بھی اس سادہ مگر مؤثر عادت کی تائید کرتے ہوئے کہا ہے کہ یہ عمل واقعی گھروں میں موجود جراثیم سے بھرپور ہوا کو خارج کرنے اور صحت مند ماحول قائم کرنے میں مددگار ثابت ہوتا ہے۔ یہی وجہ ہے کہ ماہرین اب صاف ستھری اور تازہ ہوا کو بہتر صحت کی بنیادی ضرورت قرار دے رہے ہیں۔''ہاؤس برپنگ‘‘ سوشل میڈیا پر تیزی سے مقبول ہونے والا نیا رجحان ہے، جس میں لوگ سردیوں کی شدید ٹھنڈ میں بھی اپنے گھروں کی کھڑکیاں پوری طرح کھول دیتے ہیں، اس امید کے ساتھ کہ جراثیم سے بھرپور ہوا کو باہر نکالا جا سکے۔ایک صارف نے کہاکہ مجھے نہیں معلوم آپ نے اس کے بارے میں سنا ہے یا نہیں، لیکن میں نے یہ ابھی ٹک ٹاک پر سیکھا ہے۔ آپ کو اپنے گھر کو ''برپ‘‘ کرنا چاہیے۔ ایک اور صارف نے زور دیتے ہوئے کہا کہ سردی کے باوجود گھر کی ''ہاؤس برپنگ‘‘ بے حد ضروری ہے۔جبکہ ایک صارف نے مذاقاً کہا کہ نئے لوگ اسے ''ہاؤس برپنگ‘‘ کہتے ہیں، میں تو اسے ''روزانہ گھر میں تازہ ہوا آنے دینا محض عام سی عقل کی بات‘‘ کہتا ہوں۔اس کے منفرد نام کی وجہ سے بظاہر ایسا لگتا ہے کہ ''ہاؤس برپنگ‘‘ محض ایک فضول فیشن ہے، لیکن اب آئرلینڈ کی یونیورسٹی آف لیمریک میں شعبہ صحتِ عامہ کے اسسٹنٹ پروفیسر ڈاکٹر وکرم نیرنجن کا کہنا ہے کہ یہ طریقہ واقعی مؤثر ہے۔ وہ گھر جہاں کبھی ''ہاؤس برپنگ‘‘ نہیں کی جاتی، وہاں اندرونی آلودگی کی سطح زیادہ اور سانس سے خارج ہونے والی ہوا کا اجتماع بڑھ جاتا ہے، خاص طور پر وائرس کے موسم میں۔انہوں نے مزید کہاکہ اپنے گھر کو درست وقت پر ایک مختصر ''اسپا بریک‘‘ دیں۔ کھڑکیاں کھول دیں، باسی ہوا کو باہر نکلنے دیں اور تازہ ہوا کو اندر آنے دیں۔ آپ کے پھیپھڑے، دماغ اور حتیٰ کہ آپ کے پالتو جانور بھی اس پر شکر گزار ہوں گے۔اگرچہ اس وقت ''ہاؤس برپنگ‘‘ ٹک ٹاک پر تیزی سے مقبول ہو رہی ہے، لیکن درحقیقت یہ عمل جرمنی میں برسوں سے رائج ہے۔وہاں اسے ''لوفٹن‘‘ (Lüften) یعنی ہوا کی تبدیلی، یا ''شٹوس لوفٹن‘‘ (Stoßlüften) یعنی جھٹکے سے ہواداری کہا جاتا ہے۔اس کا تصور نہایت سادہ ہے۔آپ چند منٹ کیلئے اپنے گھر کی کھڑکیاں اور دروازے پوری طرح کھول دیتے ہیں تاکہ تازہ ہوا تیزی سے اندر داخل ہو کر باسی اندرونی ہوا کی جگہ لے لے۔ڈاکٹر نیرنجن کے مطابق: گھروں کی اندرونی فضا میں غسل اور کھانا پکانے سے نمی، چولہوں اور موم بتیوں سے دھواں اور ذرات، صفائی کے اسپرے اور فرنیچر سے نکلنے والے کیمیکلز، اور انسانوں کے سانس سے خارج ہونے والے باریک ذرات اور وائرس جمع ہو جاتے ہیں۔انہوں نے وضاحت کی کہ جب گھر کو ''برپ‘‘ کیا جاتا ہے تو باہر کی تازہ ہوا کا اچانک بہاؤ اس مرکب کو پتلا کر دیتا ہے اور اس کا بڑا حصہ باہر دھکیل دیتا ہے۔تاہم، ہاؤس برپنگ کے فوائد آپ کے گھر کے محل وقوع کے لحاظ سے مختلف ہو سکتے ہیں۔مثال کے طور پر، اگر آپ کسی مصروف مرکزی سڑک یا موٹر وے کے قریب رہتے ہیں تو گھر کی ''ہاؤس برپنگ‘‘ الٹا آلودہ ہوا کو اندر لے آنے کا سبب بن سکتی ہے۔اس حوالے سے ڈاکٹر نیرنجن نے خبردار کرتے ہوئے کہا کہ مصروف اوقات میں سڑک کے کنارے واقع گھروں کی کھڑکیاں کھولنے سے گاڑیوں کے دھوئیں، ٹائروں اور بریک کی گرد کا ریلا اندر آ سکتا ہے، عین اس وقت جب ٹریفک کی آلودگی اپنی انتہا پر ہوتی ہے۔گھر کی ''ہاؤس برپنگ‘‘ کیلئے درست وقت کا انتخاب بھی نہایت اہم ہے۔اگر آپ کسی شہر میں رہتے ہیں تو بہتر یہی ہے کہ صبح اور شام کے اوقاتِ آمد و رفت (کمیوٹ ٹائم) سے گریز کریں، کیونکہ ان اوقات میں بیرونی فضائی آلودگی عموماً اپنی بلند ترین سطح پر ہوتی ہے۔ڈاکٹر نیرنجن نے مشورہ دیتے ہوئے کہا کہ ان اوقات کے علاوہ مختصر وقفوں کیلئے ''ہاؤس برپنگ‘‘ کرنایا بارش کے فوراً بعد، جب ہوا میں موجود کچھ ذرات عارضی طور پر دھل جاتے ہیںانفیکشن سے بچاؤ اور آلودگی سے نمائش کے درمیان بہتر توازن فراہم کر سکتا ہے۔اس کے ساتھ یہ بھی ضروری ہے کہ ہاؤس برپنگ کا عمل صرف مختصر وقت کیلئے ہو، کیونکہ زیادہ دیر تک کھڑکیاں کھلی رکھنے سے گھر باقی دن کے لیے ٹھنڈا ہو سکتا ہے۔
اینیک (ENIAC)کمپیوٹر 1946 ء میں آج کے روز دنیا کا پہلا ''اینیاک‘‘ (eniac)کمپیوٹر پنسلوینیا یونیورسٹی میں نمائش کیلئے پیش کیا گیا۔ اینیاک یعنی (Electronic Numerical Integrator and Computer) دنیا کا پہلا مکمل الیکٹرانک، جنرل پرپز ڈیجیٹل کمپیوٹر تھا۔یہ کمپیوٹر دوسری جنگ عظیم میں مذکورہ یونیورسٹی سے تعلق رکھنے والے دو ماہرین نے تیار کیا تھا اور اس کا وزن 30 ٹن تھا۔ دنیا کے اس پہلے کمپیوٹر کے پرزہ جات آج بھی واشنگٹن کے عجائب گھر میں موجود ہیں۔یو ٹیوب کی لانچنگ14فروری 2005ء کو ویڈیو شیئرنگ سوشل میڈیا پلیٹ فارم ''یو ٹیوب‘‘ کو لانچ کیا گیا۔ جسے تین نوجوانوں اسٹیو چن، جاوید کریم اور چاڈ ہرلے نے ''پے پال‘‘ کی مدد سے تخلیق کیا تھا۔ اب یہ سوشل میڈیا پلیٹ فارم ''گوگل‘‘ کی ملکیت ہے اور ایک منٹ کے دوران اس پر دنیا بھر سے 100 گھنٹوں سے زائد کی ویڈیو اپ لوڈ کی جاتی ہیں۔ہر ماہ یوٹیوب پر 4 بلین سے زائد گھنٹوں کی ویڈیو دیکھی جاتی ہیں۔ ٹیلی فون پیٹنٹ ہوا1876ء میں آج کے روز مقبول ترین سائنسدان الیگزینڈر گراہم بیل نے اپنی اہم ایجاد ٹیلی فون کو پیٹنٹ کرایا۔ الیگزینڈر گراہم بیل وہ پہلا شخص تھا جسے ریاستہائے متحدہ نے ایک ایسے آلے کیلئے پیٹنٹ دیا تھا جس نے دوسرے آلے پر انسانی آواز کی واضح طور پر قابل فہم نقل تیار کی تھی۔یہ آلہ آج ترقی کی بیشمار منازل طے کرچکا ہے۔پولش سوویت جنگپولش سوویت جنگ کا آغاز 14 فروری 1919ء کو ہوا۔ یہ لڑائی 18 مارچ 1921ء تک جاری رہی۔ یہ پہلی عالمی جنگ اور روسی انقلاب کے بعد پولش اور سوویت فیڈریشن کے درمیان ان علاقوں پر لڑی گئی جو پہلے روس کے پاس تھے۔مرکزی طاقتوں کے خاتمے اورجنگ بندی کے بعدولادیمیر لینن نے بریسٹ،لیٹوسک کے معاہدوں کو منسوخ کردیا اور فوجوں کو مغرب میں منتقل کرنا شروع کر دیا۔ایوب خان صدر بنے 1960ء میں آج کے روز ایوب خان پاکستان کے صدر بنے۔انہوں نے 1961ء میںصدارتی طرز کا ایک آئین بنوایا۔ آئین مکمل ہونے کے بعد 1962ء میں عام انتخابات ہوئے اور مارشل لاء ختم کر دیا گیا ۔ وہ 9سال تک ملک کے صدر رہے، ان کے دور میں پاکستان نے بے پناہ ترقی کی ۔ انہوں نے 25 مارچ 1969ء کواپنے عہدے سے استعفیٰ دے کر اقتدار یحییٰ خان کے حوالے کر دیا۔بیروت میں بم دھماکا14 فروری 2005ء کو لبنان کے دارالحکومت بیروت میں ایک ہولناک بم دھماکے کے نتیجے میں سابق وزیراعظم رفیق حریری سمیت کم از کم 23 افراد جان سے ہاتھ دھو بیٹھے۔ یہ دھماکا اس وقت ہوا جب حریری کا قافلہ شہر کے ایک مرکزی علاقے سے گزر رہا تھا۔ دھماکے کی شدت تقریباً ایک ہزار کلو گرام ٹی این ٹی کے برابر بتائی گئی، جس نے قافلے کو مکمل طور پر تباہ کر دیا اور آس پاس کے علاقے میں شدید نقصان پہنچایا۔ اس واقعے کے بعد ملک میں بڑے پیمانے پر احتجاج شروع ہو گئے۔
حقیقت اور فریب کے درمیان باریک لکیرمصنوعی ذہانت کی ترقی نے جہاں زندگی کے بے شمار شعبوں میں سہولتیں پیدا کی ہیں وہیں اس نے نئے اور پیچیدہ چیلنجز کو بھی جنم دیا ہے۔ خاص طور پر اے آئی کے ذریعے تیار کردہ انسانی چہرے اب اس قدر حقیقت سے قریب ہو چکے ہیں کہ عام آدمی کے لیے اصلی اور نقلی میں فرق کرنا نہایت مشکل ہو گیا ہے۔برطانوی ماہرین کی ایک ٹیم کی حالیہ سائنسی تحقیق کے مطابق یہ مصنوعی چہرے نہ صرف عام افراد کو دھوکہ دے رہے ہیں بلکہ چہرے پہچاننے کے ماہرین بھی اکثر انہیں اصلی سمجھ بیٹھتے ہیں۔یہ تحقیق جس پر ScienceAlert نے تفصیلی رپورٹ شائع کی ہے، اس بات کو واضح کرتی ہے کہ جدید اے آئی ماڈلز، بالخصوصStyleGAN جیسے سسٹمزانسانی چہروں کی ایسی تصاویر تیار کر رہے ہیں جو دیکھنے میں بالکل حقیقی محسوس ہوتی ہیں۔ جلد کی بناوٹ، آنکھوں کی چمک، بالوں کی ترتیب اور چہرے کے تاثرات اس قدر قدرتی ہوتے ہیں کہ انسانی دماغ انہیں بلا تامل اصل تسلیم کر لیتا ہے۔تحقیق میں شامل نتائج چونکا دینے والے ہیں۔ عام افراد، جنہیں چہرے پہچاننے کی معمول کی صلاحیت حاصل ہوتی ہے، اے آئی سے بنائے گئے چہروں کو صرف 31 فیصد مواقع پر ہی درست طور پر شناخت کر سکے۔ دلچسپ بات یہ ہے کہ یہ شرح محض اندازے سے بھی کم ہے کیونکہ اگر کوئی شخص محض قیاس آرائی کرے تو اس کے درست ہونے کے امکانات 50 فیصد ہوتے ہیں۔ اس کا مطلب یہ ہے کہ اے آئی کے بنائے گئے چہرے انسانی ذہن کو اس حد تک قائل کر لیتے ہیں کہ وہ حقیقت کے برعکس فیصلہ کر بیٹھتا ہے۔مزید حیران کن پہلو یہ ہے کہ وہ افراد جو ''سپر ریکگنائزرز‘‘ کہلاتے ہیں یعنی جو چہروں کو پہچاننے میں غیر معمولی مہارت رکھتے ہیں وہ بھی اس فریب سے مکمل طور پر محفوظ نہیں رہے۔ تحقیق کے مطابق یہ ماہرین بھی بغیر کسی تربیت کے صرف 41 فیصد مواقع پر ہی جعلی چہروں کو پہچان سکے۔ اس سے اندازہ ہوتا ہے کہ مسئلہ محض عام آگاہی یا ذہانت کا نہیں بلکہ خود ٹیکنالوجی کی غیر معمولی حقیقت پسندی کا ہے۔تاہم اس تحقیق کا سب سے اہم اور امید افزا پہلو یہ ہے کہ صرف پانچ منٹ کی مختصر تربیت افراد کی کارکردگی کو بہتر بنا سکتی ہے۔ محققین نے شرکاکو اے آئی تصاویر میں پائی جانے والی عام خامیوں اور نشانیوں سے آگاہ کیا جیسے غیر فطری بالوں کی لکیر، دانتوں کی غیر متوازن ساخت، کانوں کے زیورات کا غیر منطقی ہونا، یا جلد کی عجیب سی ہمواری۔ اس مختصر تربیت کے بعد عام افراد کی درست شناخت کی شرح 51 فیصد تک پہنچ گئی، جبکہ سپر ریکگنائزرز کی کارکردگی نمایاں طور پر بہتر ہو کر 64 فیصد تک جا پہنچی۔اگرچہ 51 فیصد کوئی غیر معمولی بات نہیں مگر یہ اس بات کا ثبوت ضرور ہے کہ انسانی آنکھ اور دماغ کو مناسب رہنمائی کی جائے تو وہ مصنوعی ذہانے کے فریب کو کسی حد تک پہچاننے کے قابل ہو سکتے ہیں۔ یہ نتائج اس خیال کو تقویت دیتے ہیں کہ ڈیجیٹل دور میں محض ٹیکنالوجی پر انحصار کافی نہیں بلکہ انسانی تربیت اور آگاہی بھی ناگزیر ہے۔اس مسئلے کی سنگینی اس وقت اور بڑھ جاتی ہے جب ہم اس کے عملی اثرات پر نظر ڈالتے ہیں۔ اے آئی سے بنائے گئے چہرے آج کل جعلی سوشل میڈیا اکاؤنٹس، آن لائن فراڈ، ڈیپ فیک سکینڈلز اور شناختی جرائم میں عام استعمال ہو رہے ہیں۔ ایک ایسا چہرہ جو حقیقت میں کسی انسان کا وجود ہی نہیں رکھتا، اعتماد حاصل کر کے لوگوں کو مالی، سماجی اور نفسیاتی نقصان پہنچا سکتا ہے۔ صحافت، سیاست اور قومی سلامتی جیسے حساس شعبے بھی اس ٹیکنالوجی کے غلط استعمال سے متاثر ہو سکتے ہیں۔ماہرین کے مطابق مستقبل میں اے آئی سے بنائی گئی تصاویر اور ویڈیوز مزید حقیقت پسندانہ ہوتی جائیں گی جس کے باعث محض انسانی مشاہدہ کافی نہیں رہے گا۔ اس لیے ضروری ہے کہ انسانی تربیت کو خود اے آئی پر مبنی ڈیٹیکشن ٹولز کے ساتھ جوڑا جائے۔ یعنی اے آئی کو ہی اے آئی کے فریب کو بے نقاب کرنے کے لیے استعمال کیا جائے، جبکہ انسان کو بنیادی نشانیوں اور تنقیدی سوچ سے لیس کیا جائے۔تحقیق میں یہ بھی نشاندہی کی گئی ہے کہ تربیت کے فوری اثرات تو مثبت ہیں مگر یہ واضح نہیں کہ یہ بہتری طویل مدت تک برقرار رہتی ہے یا نہیں۔ اس سے یہ سوال جنم لیتا ہے کہ کیا مستقل آگاہی پروگرامز، تعلیمی نصاب اور پیشہ ورانہ تربیت اس خلا کو پُر کر سکتی ہے؟ خاص طور پر صحافیوں، قانون نافذ کرنے والے اداروں اور سوشل میڈیا پلیٹ فارمز سے وابستہ افراد کے لیے یہ مہارت ناگزیر بنتی جا رہی ہے۔ مصنوعی ذہانت کے بنائے گئے چہرے ہماری آنکھوں اور دماغ کے لیے ایک نیا امتحان ہیں۔ یہ ٹیکنالوجی نہ مکمل طور پر خیر ہے اور نہ ہی مکمل طور پر شر، بلکہ اس کا دارومدار اس بات پر ہے کہ ہم اسے کس طرح سمجھتے اور استعمال کرتے ہیں۔ پانچ منٹ کی تربیت اگر ہماری آنکھیں کچھ حد تک کھول سکتی ہے، تو یہ اس بات کا اشارہ ہے کہ علم، آگاہی اور تنقیدی سوچ ہی اس ڈیجیٹل فریب کے مقابلے میں ہماری اصل طاقت ہیں۔
حضرت عبداللہ رضی اللہ عنہ بہت متقی اور پرہیز گار تھے۔ ہمیشہ عبادت میں مصروف رہتے۔ دن میں روزہ رکھتے اور راتوں کو اپنے اللہ کے حضور عجزو انکسار کے ساتھ نوافل ادا کرتے۔
فیضان بہت ہی معصوم سا بچہ تھا۔ وہ گھر میں ہونے والی تیاریوں اور چہل پہل کو بڑے غور سے دیکھ رہا تھا اور پھر اپنے مشاہدے کے بعد اپنی دادی سے پوچھنے لگا۔ ’’دادی یہ سب کیا ہے؟ کیا کوئی آنے والا ہے؟‘‘۔
٭… کام سے غلطی، غلطی سے تجربہ، تجربے سے عقل، عقل سے خیال اور خیال سے نئی چیزیں وجود میں آتی ہیں۔
سنڈے میگزین
دنیا بلاگز
