چاہت فتح کے’’بدوبدی‘‘ پر ماضی کی اداکارہ ممتاز ناراض
لاہور(شوبزڈیسک)ماضی کی معروف اداکارہ ممتاز مزاحیہ گلوکاری سے سوشل میڈیا پر شہرت پانے والے برطانوی پاکستانی گلوکار چاہت فتح علی خان سے نالاں ہیں اور۔۔۔
انہوں نے ایک انٹرویو میں برہمی کا اظہار کرتے ہوئے کہا کہ چاہت فتح علی خان نے ان کے گانے ‘بدو بدی’ کا مذاق اُڑایا ہے ۔ اگر چاہت اس گانے کو گانا سمجھ کر گاتے ، مذاق نہ اُڑاتے تو میں آج ان کی تعریف کرتی لیکن انہوں نے اتنے سُپر ہٹ گانے کا مذاق اُڑایا ہے۔ اس گانے کی وجہ سے فلم ہٹ ہوئی تھی اوراسکی اتنی ڈیمانڈ تھی کہ جب سینما میں فلم لگتی تو شروع میں، درمیان اور پھر آخر میں بھی اس گانے کو چلایا جاتا تھا لیکن انہوں نے اتنے مشہور گانے کا مذاق اُڑانا شروع کر دیا، جس کا مجھے بہت دکھ ہے جبکہ اس موقع پر ان کے بیٹے ذیشان باری نے کہا کہ اگر چاہت فتح علی نے یہ کامیڈی نہ کی ہوتی تو یہ گانا دوبارہ منظرِ عام پر شاید نہ آتا، ان کی وجہ سے اس گانے کو نئی زندگی ملی ہے ۔خیال رہے کہ میڈم نور جہاں کی آواز میں ریکارڈ ہونے والا گانا ‘بدو بدی’ فلم ‘بنارسی ٹھگ’ میں اداکارہ ممتاز پر پکچرائز ہوا تھا۔
