کوئی بھی کامیاب شخص سیلف میڈ نہیں ہوسکتا:ماہرہ خان
کراچی(این این آئی)اداکارہ ماہرہ خان نے کہا ہے کہ میرے نزدیک دنیا میں کوئی بھی شخص مکمل طور پر سیلف میڈ نہیں ہوسکتا، کامیابی حاصل کرنے میں ہمیشہ خاندان، دوستوں اور دیگر لوگوں کا تعاون شامل ہوتا ہے۔
سوشل میڈیا پر وائرل ویڈیو میں دیکھا جاسکتا کہ اداکارہ نے ایک تقریب کے اختتام پر گفتگو کرتے ہوئے کہا کہ سیلف میڈ صرف کہنے کی حد تک اچھا لگتا ہے، لیکن حقیقت میں ایسا کچھ نہیں ہوتا، انہوں نے واضح کیا کہ میں اپنی کامیابی کا سہرا اپنے والدین، بھائی، بیٹے ، دوستوں اور ساتھ کام کرنے والے افراد کو دیتی ہوں اگر یہ سب ان کو سپورٹ نہ کرتے تو آج وہ ایک سٹار نہ ہوتیں۔ ماہرہ خان نے کہا کہ میں آج جس مقام پرہوں اس میں خاندان اور دوستوں کیساتھ ساتھ نئے ساتھیوں اور پیشہ ورانہ تعلقات کا بھی اہم کردار ہے۔
روزنامہ دنیا ایپ انسٹال کریں
