’’ گلیڈی ایٹر 2‘‘ کا باکس آفس پر تہلکہ، 106 ملین ڈالر کی کمائی
نیویارک(شوبزڈیسک)ہالی وڈ کی دو بڑی فلموں، میوزیکل ایڈاپٹیشن وِکڈ اور ایکشن ایپک گلیڈی ایٹر 2 نے ویک اینڈ پر عالمی سطح پر 270 ملین ڈالر کی شاندار کمائی کی، جو سینما گھروں کے لیے امید کی کرن ثابت ہو رہی ہے۔
یونیورسل پکچرز کی فلم وِکڈ نے 114 ملین ڈالر شمالی امریکہ اور 50.2 ملین ڈالر عالمی مارکیٹس سے کمائے، جس کا کل عالمی باکس آفس 164.2 ملین رہا۔ یہ کسی بھی براڈوے میوزیکل پر مبنی فلم کا سب سے بڑا اوپننگ ویک اینڈ تھا۔ پیر اماؤنٹ پکچرز کی فلم گلیڈی ایٹر 2 نے عالمی سطح پر 106 ملین کمائے، جس میں 55.5 ملین صرف امریکی اور کینیڈین تھیٹرز سے حاصل ہوئے۔ اس فلم کی مجموعی عالمی کمائی اب 221 ملین ہو چکی ہے۔ یہ فلم 20 سال قبل آسکر ایوارڈ یافتہ فلم گلیڈی ایٹر کا سیکوئل ہے۔ دونوں فلموں نے مجموعی طور پر شمالی امریکہ کے سینما گھروں میں 169.5 ملین کمائے، جس کی بدولت ویک اینڈ کا باکس آفس 201.9 ملین تک پہنچ گیا۔ جو جولائی 2023 میں باربی اور اوپین ہائمر کی ریکارڈ اوپننگ کے بعد کا سب سے زیادہ رہا۔
