بلائنڈ کرکٹ ورلڈ کپ،جنوبی افریقی ٹیم پاکستان پہنچ گئی
اسلام آباد (سپورٹس رپورٹر)جنوبی افریقہ کی بلائنڈ کرکٹ ٹیم چوتھے ٹی 20 بلائنڈ کرکٹ ورلڈ کپ میں شرکت کے لیے بدھ کو پاکستان پہنچ گئی۔
پاکستان بلائنڈ کرکٹ کونسل کے چیئرمین اور ورلڈ بلائنڈ کرکٹ لمیٹڈ کے صدر سیدسلطان شاہ نے بتایا کہ جنوبی افریقہ کی ٹیم ورلڈ ٹی ٹونٹی بلائنڈ کرکٹ کپ میں شرکت کے لئے لاہور ائیرپورٹ پہنچ گئی ،جہاں پرپاکستان بلائنڈ کرکٹ کونسل کے حکام نے ان کا پرتپاک استقبال کیا گیا۔ انہوں نے کہا کہ افغانستان کی ٹیم ایونٹ میں شرکت کے لئے پاکستان پہنچ چکی ہے ۔انہوں نے کہاکہ بنگلہ دیش ،نیپال اور سری لنکا کی ٹیمیں 21 نومبرکو پاکستان آئیں گی ۔انہوں نے کہا کہ ورلڈ بلائنڈ ٹی ٹونٹی کرکٹ کپ 22 نومبر سے 3 دسمبر تک لاہور اور ملتان میں کھیلا جائیگا۔
روزنامہ دنیا ایپ انسٹال کریں
