ون ڈے بیٹرز میں پھربابراعظم کاراج،بالرزمیں شاہین کادوسرانمبر
دبئی (سپورٹس ڈیسک )آئی سی سی کی جانب سے جاری ون ڈے بیٹرز کی رینکنگ میں پاکستان کے بابراعظم پہلی، بھارت کے روہت شرما بدستور دوسری پوزیشن پر ہیں جبکہ اس فہرست میں تیسری پوزیشن پر بھارت کے ہی شبمن گل موجود ہیں۔
پاکستان کے صائم ایوب ٹاپ ہنڈرڈ کھلاڑیوں میں شامل ہو گئے ہیں، زمبابوے کے خلاف سنچری سکور کرنے کے بعد صائم ایوب رینکنگ میں 90 ویں پوزیشن پر براجمان ہیں۔ ون ڈے بولرز کی رینکنگ میں پاکستان کے شاہین آفریدی پہلی پوزیشن کھوبیٹھے ہیں اوروہ ایک درجہ تنزلی کے بعد دوسرے اور راشد خان ایک درجہ بہتری کے بعد پہلے نمبر پر پہنچ گئے ہیں۔ٹیسٹ بیٹرز کی رینکنگ میں انگلینڈ کے جو روٹ کا پہلا نمبر برقرار ہے ، بھارت کے یشسوی جیسوال 2 درجے ترقی کے بعد دوسرے نمبر پر اور انگلینڈ کے کین ولیمسن کی تیسری پوزیشن ہے جبکہ پاکستان کے سعود شکیل ایک درجہ بہتری کے بعد 8 ویں نمبر پر پہنچ گئے ہیں۔ٹیسٹ بولرز کی رینکنگ میں بھارت کے جسپریت بمرا ایک بار پھر نمبر ون بولر بن گئے ہیں، بمرا کی رینکنگ میں 2 درجے ترقی ہوئی ہے جبکہ پاکستان کے نعمان علی کا رینکنگ میں 9 واں نمبر برقرار ہے ۔ٹی ٹونٹی بیٹرز کی رینکنگ میں آسٹریلیا کے ٹریوس ہیڈ پہلے ، انگلینڈ کے فل سالٹ دوسرے اور بھارت کے تلک ورما تیسری پوزیشن پر براجمان ہیں۔ٹی ٹونٹی بولرز کی رینکنگ میں انگلینڈ کے عادل رشید کا پہلا، سری لنکا کے ونندیو ہرسنگا کا دوسرا اور آسٹریلیا کے ایڈم زمپا کا تیسرا نمبر ہے ۔
