خواتین کی’نو کلین شیو، نو بوائے فرینڈ ‘ ریلی : ویڈیو وائرل
نئی دہلی(نیٹ نیوز) بھارتی شہر اندور میں خواتین کے ایک گروپ نے ریلی نکالی جس کا مقصد ‘کلین شیو بوائے فرینڈ’ بتایا گیا۔
سوشل میڈیا پر وائرل ویڈیوز میں دیکھا جا سکتا ہے کہ خواتین نے پلے کارڈز اور بینرز اُٹھا رکھے ہیں جس پر لکھا تھا کہ محبت بچانی ہے تو کلین شیو ہوجاؤ۔ایک پلے کارڈ پر لکھا تھا کہ اگر کلین شیو نہیں تو پیار بھی نہیں۔ ایک اور بینر پر لکھا تھا کہ داڑھی یا گرل فرینڈ ۔۔ چوائس آپ کی۔اسی طرح ایک اور بینر پر لکھا تھا کہ بوائے فرینڈ تعلیم یافتہ یا ہینڈسم نہیں بلکہ کلین شیو ہونا چاہیے ۔ان ویڈیوز پر سوشل میڈیا صارفین کے درمیان نئی بحث چھڑ گئی ،کچھ صارفین نے لکھا کہ جیون ساتھی یا محبوب کے انتخاب کے لیے ہر کوئی آزاد ہے اور سب کی اپنی اپنی پسند ہوتی ہے ۔ کسی کو اپنی پسند دوسروں پر مسلط کرنے کا اختیار نہیں۔
روزنامہ دنیا ایپ انسٹال کریں
