جاپان کے سکول میں جوتے چرانے والا ‘‘نیولا’’ گھس آیا
ٹوکیو(نیٹ نیوز)جاپان میں ایک سکول سے بچوں کے جوتے چرانے والا اصل میں ایک نیولا نکلا۔جاپان کے شہر کوگو میں موجود گوشو کوڈومو-این کنڈرگارٹن نے نومبر کے آغاز میں سکول سے 15 جوتے غائب ہونے پر پولیس سے رابطہ کیا۔
چور کا پتہ لگانے کیلئے پولیس نے سکول میں تین سکیورٹی کیمرا نصب کیے۔ ایک جوتا نومبر 11 کی رات کو غائب ہوا اور سی سی ٹی وی فوٹیج میں دیکھنے پر چرانے والے کی نشان دہی کی گئی۔ویڈیو میں دیکھا گیا کہ دیوار کے پشت سے ایک نیولا ظاہر ہوا اور شیلف سے بچوں کے سکول کے اندر استعمال کیے جانے والے جوتوں کو نکال کر لے گیا۔سکول ملازم نے بتایا کہ انتظامیہ بہت فکرمند تھی لیکن اب سب پُر سکون ہیں کہ چور ایک جانور نکلا ۔سکول کا کہنا تھا کہ شیلف کو اب رات کے وقت نیٹ سے ڈھک دیا گیا ہے تاکہ جوتوں کو بچایا جا سکے۔
روزنامہ دنیا ایپ انسٹال کریں
